দূৰদৰ্শনত ভাৰতৰ প্ৰথম ইংৰাজী নিউজ এংকৰসকলৰ ভিতৰত অন্যতম গীতাঞ্জলি আয়াৰ; বুধবাৰে শেষ নিশ্বাস ত্যাগ কৰা গীতাঞ্জলি আয়াৰৰ বিষয়ে জানেনে?
ৰাষ্ট্ৰীয় সম্প্ৰচাৰক দূৰদৰ্শনত ভাৰতৰ প্ৰথম ইংৰাজী মহিলা বাতৰি উপস্থাপক গীতাঞ্জলী আয়াৰে বুধবাৰে শেষ নিশ্বাস ত্যাগ কৰে। পৰিয়ালটোৰ ঘনিষ্ঠ সূত্ৰই জনোৱা মতে, পাৰ্কিনছন ৰোগত আক্ৰান্ত হৈ থকা প্ৰখ্যাত এংকৰগৰকী খোজ কাঢ়ি ঘৰলৈ উভতি অহাৰ পিছতে মৃত্যুক আকোৱালি লয়। ৭১ বছৰ বয়সত মৃত্যু হয় আয়াৰৰ।
কেন্দ্ৰীয় মন্ত্ৰী অনুৰাগ ঠাকুৰকে ধৰি কেইবাগৰাকীও ৰাজনৈতিক নেতাই বিশিষ্ট এংকৰগৰাকীৰ বিয়োগত টুইটাৰত শোক প্ৰকাশ কৰে।
কেন্দ্ৰীয় তথ্য আৰু সম্প্ৰচাৰ মন্ত্ৰী অনুৰাগ ঠাকুৰে এক টুইটযোগে কয় যে, দূৰদৰ্শন আৰু সৰ্বভাৰতীয় ৰেডিঅ’ৰ অন্যতম উন্নত ইংৰাজী সংবাদ এংকৰ গীতাঞ্জলি আয়াৰৰ মৃত্যুৰ খবৰ পাই গভীৰভাৱে দুখী হৈছো।
তেওঁ লগতে কয় যে আয়ৰ আছিল এজন ‘ট্ৰেইলব্লেজাৰ আৰু অগ্ৰণী’, যিয়ে প্ৰতিটো বাতৰিৰ প্ৰতিবেদনত ‘বিশ্বাসযোগ্যতা, পেছাদাৰিত্ব, আৰু এক সুকীয়া কণ্ঠ’ কঢ়িয়াই আনিছিল।
গীতাঞ্জলি আয়াৰে কলকাতাৰ লৰেটো কলেজৰ পৰা স্নাতক ডিগ্ৰী লাভ কৰিছিল৷
প্ৰাইম টাইম ইংৰাজী নিউজ এংকৰগৰাকীয়ে দিল্লীৰ প্ৰতিষ্ঠিত নেশ্যনেল স্কুল অৱ ড্ৰামা (এন এছ ডি)ৰ পৰাও ডিপ্লমা, ডিগ্ৰী লাভ কৰিছিল।
স্নাতক হোৱাৰ পিছত তেওঁ অল ইণ্ডিয়া ৰেডিঅ’ (এআইআৰ)ত যোগদান কৰে আৰু এটা অনুষ্ঠান উপস্থাপন কৰে -এ ডেট উইথ ইউ — য’ত তেওঁ শুকুৰবাৰে নিশা ইংৰাজী গীতৰ অনুৰোধ লৈছিল।
গীতাঞ্জলী আয়াৰে ১৯৭১ চনত ৰাষ্ট্ৰীয় সম্প্ৰচাৰক দূৰদৰ্শনত যোগদান কৰি প্ৰাইম টাইম নিউজ উপস্থাপন কৰিবলৈ আৰম্ভ কৰাৰ লগে লগে খ্যাতি অৰ্জন কৰে।
চাৰিবাৰ শ্ৰেষ্ঠ এংকৰ সন্মান লাভ কৰাৰ লগতে ১৯৮৯ চনত অসাধাৰণ মহিলাৰ ইন্দিৰা গান্ধী প্ৰিয়দৰ্শিনী বঁটাও লাভ কৰে।
ৰাষ্ট্ৰীয় টেলিভিছন সংস্থাটোত বিখ্যাত কাৰ্যনিৰ্বাহ কৰাৰ পিছত ২০০২ চনৰ আগষ্ট মাহত তেওঁ দূৰদৰ্শন ত্যাগ কৰে।
সংবাদ অনুষ্ঠান উপস্থাপন কৰাৰ উপৰিও গীতাঞ্জলি আয়াৰে কেইবাটাও ছপা বিজ্ঞাপনত জনপ্ৰিয় মুখ হিচাপে পৰিগণিত হৈছিল আৰু আনকি শ্ৰীধৰ ক্ষীৰ্সাগৰৰ টিভি নাটক ‘খান্দন’তো অভিনয় কৰিছিল।
তেওঁৰ দশকজোৰা সুন্দৰ কেৰিয়াৰত, তেওঁ বিশ্ব বন্যপ্ৰাণী পুঁজিৰ (ডব্লিউডব্লিউএফ) সৈতে জড়িত আছিল।