আই পি এল ২০২৪ নিলামঃ ২০২৪ চনত প্ৰথমবাৰৰ বাবে আই পি এল খেলিব পৰা বহু খেলুৱৈকে ধৰি আই পি এল ২০২৪ৰ নিলামত মুঠ ৭২ গৰাকী খেলুৱৈ বিক্ৰী হৈছে। আই পি এল ২০২৪ৰ বাবে অনুষ্ঠিত হোৱা নিলামত মুঠ ৭২ গৰাকী খেলুৱৈ বিক্ৰী হৈছে, যাৰ বাবে মুঠ ২৩০ কোটি টকা ব্যয় কৰা হৈছে। এই ৭২ জন খেলুৱৈৰ ভিতৰত এনে বহু খেলুৱৈ আছে যাৰ নাম প্ৰথমবাৰৰ বাবে বিড কৰা হৈছে আৰু প্ৰথমবাৰৰ বাবে বিক্ৰী হৈছে। আই পি এল ২০২৪ত শীৰ্ষ ৫ ক্ৰিকেটাৰৰ বিষয়ে জানি লওক।
এই তালিকাত প্ৰথম নাম ভাৰতৰ সমীৰ ৰিজৱী, সমীৰ মীৰুটৰ বাসিন্দা আৰু এজন অনকেপেড খেলুৱৈ। এইগৰাকী খেলুৱৈৰ নামত চেন্নাই ছুপাৰ কিংছে ৮.৪০ কোটি টকা ব্যয় কৰিছে। সমীৰ এজন মিডল অৰ্ডাৰ বেটছমেন। এনে পৰিস্থিতিত সমীৰ ৰিজৱীয়ে ২০২৪ চনত আই পি এল খেতিব বুলি আশা কৰা হৈছে।
এই তালিকাত আন এজন অনকেপড ভাৰতীয় খেলুৱৈৰ নাম আছে, যিজনক দিল্লী কেপিটেলছে ৭.২০ কোটি টকা দি নিজৰ দলত অন্তৰ্ভুক্ত কৰিছে। ট্ৰাইলত এইগৰাকী খেলুৱৈৰ উইকেট ৰখাৰ দক্ষতা দেখি সৌৰভ গাংগুলীয়ে কৈছিল যে তেওঁৰ মাজত ধোনীৰ অলপ অংশ দেখা গৈছে। গাংগুলীয়ে এই ঝাৰখণ্ড খেলুৱৈগৰাকীক প্ৰতিশ্ৰুতি দিছিল যে তেওঁ নিশ্চিতভাৱে দিল্লী কেপিটেলছৰ হৈ খেলিব, যদিও নিলামত তেওঁৰ বাবে ১০ কোটি টকা পৰ্যন্ত বিড দিব লাগিব।
এদিনীয়া বিশ্বকাপৰ সময়ত নিজৰ দলৰ হৈ সৰ্বাধিক উইকেট দখল কৰা দক্ষিণ আফ্ৰিকাৰ বেগী বলাৰ জেৰাল্ড ক’ট্জীৰ নামো এই তালিকাত অন্তৰ্ভুক্ত কৰা হৈছে। এই খেলুৱৈগৰাকীক মুম্বাই ইণ্ডিয়ানছে ৫ কোটি টকাত ক্ৰয় কৰিছে। কোট্জী এজন সোঁহাতৰ দ্ৰুত আৰু ছুইং বলাৰ।
এই তালিকাত পৰৱৰ্তী নাম হৈছে শ্ৰীলংকাৰ বাওঁহাতৰ বেগী বলাৰ দিলশ্বন মদুশংকাৰ। এই বেগী বলাৰগৰাকীকো মুম্বাই ইণ্ডিয়ানছে ৪.৬০ কোটি টকাত ক্ৰয় কৰিছে। শেহতীয়া এদিনীয়া বিশ্বকাপৰ সময়ত শ্ৰীলংকাৰ হৈ সৰ্বাধিক উইকেট দখল কৰিছিল দিলশানে।
নিউজিলেণ্ডৰ এইগৰাকী অল-ৰাউণ্ডাৰ ৰচিন ৰবিন্দ্ৰই বিশ্বকাপৰ সময়ত নিউজিলেণ্ডৰ হৈ সৰ্বাধিক ৰান সংগ্ৰহ কৰিছিল, লগতে কিছু উইকেটও লৈছিল। এইগৰাকী খেলুৱৈক চেন্নাই ছুপাৰ কিংছে ১.৮০ কোটি টকাত ক্ৰয় কৰিছিল আই পি এল ২০২৪ৰ বাবে অনুষ্ঠিত নিলামত।