কিয় ১ এপ্ৰিলক ‘মূৰ্খৰ দিৱস’ হিচাপে পালন কৰা হয় ! তাৎপৰ্য, উৎপত্তি আৰু দিনটোৰ ইতিহাস…

1 এপ্ৰিল- মানে এপ্ৰিল ফুল । মানে বুৰ্বকৰ দিন ! সমগ্ৰ বিশ্বতে এই ১ এপ্ৰিলৰ দিনটো এক ব্যতিক্ৰমীভাৱে পালন কৰা হয় (April Fools Day celebrated all over world) । সহজ ভাষাত ক’বলৈ গ’লে ১ এপ্ৰিলক মূৰ্খৰ দিন হিচাপে পালন কৰা হয় ! ১ এপ্ৰিলত সাধাৰণতে পৰিয়াল, বন্ধুবৰ্গ আৰু ঘনিষ্ঠ পৰিচিতসকলৰ সৈতে এপ্ৰিল ফুল দিৱস উদযাপন কৰা হয় (April Fools Day 2023) । এই দিৱসত মানুহে ইজনে সিজনক ঠাট্টা কৰে, মূৰ্খ সজাবলৈ চেষ্টা কৰে, ৰগৰ কৰে আৰু কৌতুকৰ সৃষ্টি কৰি হাঁহিৰ খোৰাক যোগাই প্ৰিয়জনৰ সৈতে এক আমোদজনক পৰিৱেশৰ সৃষ্টি কৰাৰ চেষ্টা কৰা হয় । যদিও এপ্ৰিল ফুল দিৱস কোনো বন্ধৰ দিন নহয়, তথাপি বহু ক্ষেত্ৰত মানুহে ইয়াক আড়ম্বৰপূৰ্ণ আৰু উদ্যমেৰে উদযাপন কৰি ৰং-ধেমালিৰ পৰিকল্পনা কৰে ।

অৱশ্যে এপ্ৰিল ফুল দিৱসৰ উৎপত্তিৰ বিষয়টো এতিয়াও অজ্ঞাত (origins of April Fools Day) । কিন্তু ইয়াৰ ওপৰত প্ৰচলিত একাধিক লোককথা আছে । ইয়াৰে ভিতৰত আটাইতকৈ জনপ্ৰিয় লোককথাটো হৈছে যে ষোড়শ শতিকাত পোপ গ্ৰেগৰী ত্ৰয়োদশে গ্ৰেগৰিয়ান বৰ্ষপঞ্জী কাৰ্যকৰী কৰাৰ প্ৰস্তাৱ দিছিল (Pope Gregory XIII proposed to implement Gregorian Calendar) । জানুৱাৰীৰ 1 তাৰিখে ই কাৰ্যকৰী হোৱাৰ পিছত জুলিয়ান বৰ্ষপঞ্জী অনুসৰি বছৰটোৰ আৰম্ভণিৰ কাৰ্যপ্ৰণালী মাৰ্চৰ শেষৰ পৰা আৰম্ভ কৰা হৈছিল ।

এপ্ৰিল ফুল দিৱস সমগ্ৰ বিশ্বতে উদযাপন কৰা হয় । এইটো এনে এটা দিন, যিটো দিনত মানুহে গতানুগতিকতাৰ পৰা আঁতৰি প্ৰায় নকৰিবলগীয়া কাম কৰা দেখা যায় । কিন্তু তথাপিও এইটো উপদেশ দিয়া হয় যে মানুহৰ লগত যিবোৰ কৌতুক কৰা হয়, সেইবোৰে নিৰ্দিষ্ট মাত্ৰা কৰা উচিত নহয় ।

এপ্ৰিল ফুল দিৱস এটা ইতিবাচক দিন তেতিয়াহে হ’ব বুলি পৰা যায়, যেতিয়া আমাৰ ঘনিষ্ঠ বন্ধুবৰ্গ আৰু পৰিয়ালৰ সৈতে আনন্দৰ সময় অতিবাহিত কৰাৰ বাবে উদযাপন কৰা হয় । যাৰ ফলত ধেমেলীয়া মুহূৰ্তৰ সৃষ্টি হয়, কোনো খং-ৰাগৰ তাত স্থান নাথাকে ।এই দিনটোত বিভিন্ন ধৰণৰ কৌশল অৱলম্বন কৰি ইজনে সিজনৰ ওপৰত কৌতুক কৰিবলৈ চেষ্টা অব্যাহত ৰাখে । ফ্ৰান্সত শিশুসকলে পিঠিত কাগজৰ মাছ বান্ধি ইজনে সিজনৰ ওপৰত ধেমালি কৰাৰ প্ৰথা আছে । স্কটলেণ্ডত এই উৎসৱটো দুদিনলৈ পালন কৰা হয় । তাত দ্বিতীয় দিনটোক ‘টেলি ডে’ বুলি কোৱা হয় । উক্তদিনা ইজনে সিজনৰ পিছফালে “কিক মি” বুলি লিখা এটা চিহ্ন লগাই লয় ।