এইবাৰ কানত পুনৰ দেখা যাব ঐশ্বৰ্য ৰায় বচ্চনক ! কান চলচ্চিত্ৰ মহোৎসৱ ২০২৩ আৰম্ভ হোৱাৰ লগে লগে ৰেড কাৰ্পেটত দেখা গৈছে বলীউডৰ বহু সুন্দৰীক। বছৰ বছৰ ধৰি এই উৎসৱত দেখা দিয়া বিশ্ব সৌন্দৰ্য্য ঐশ্বৰ্য ৰায় বচ্চনক এইবাৰো কানত দেখা যাব। কান চলচ্চিত্ৰ মহোৎসৱ ২০২৩ মনোৰঞ্জনৰ জগতৰ আটাইতকৈ ডাঙৰ আৰু সন্মানীয় অনুষ্ঠানসমূহৰ ভিতৰত অন্তৰ্ভুক্ত কৰা হৈছে। এইবাৰৰ কান চলচ্চিত্ৰ মহোৎসৱ ২০২৩ চনৰ ১৬ মে’ৰ পৰা আৰম্ভ হৈছে আৰু এইবাৰ বচ্চন পৰিয়ালৰ বোৱাৰী ঐশ্বৰ্য ৰায় বচ্চনকো চেলিব্ৰিটিৰ মাজত অন্তৰ্ভুক্ত কৰা হৈছে। এই অনুষ্ঠানৰ ৰেড কাৰ্পেটত বহুবাৰ ঐশ্বৰ্য ৰায়ক দেখা পোৱা গৈছে আৰু যোৱা কেইবছৰমানৰ পৰা তেওঁৰ কন্যা আৰাধ্যা বচ্চনো এই অনুষ্ঠানত তেওঁৰ সৈতে উপস্থিত আছে। কন্যাৰ সৈতে ঐশ্বৰ্য ৰায়ক কেইঘণ্টামানৰ পূৰ্বে কানলৈ যোৱা দেখা গৈছে…
এই বছৰ তেওঁৰ সাজ-পোছাক কেনেকুৱা হ’ব, কি পিন্ধিব সেই সন্দৰ্ভত কোনো তথ্য প্ৰকাশ কৰা হোৱা নাই যদিও তেওঁৰ লুকটোৰ বাবে অনুৰাগীসকল অতিশয় উৎসাহিত। ঐশ্বৰ্যৰ উপৰিও চাৰা আলী খান, এছা গুপ্তা, উৰ্বশী ৰাউটেলা, অনুষ্কা শৰ্মা, মনুষী চিল্লাৰৰ দৰে সুন্দৰীকো দেখা যাব।
এই ভিডিঅ’টো মুম্বাই বিমানবন্দৰৰ য’ত নিশা ঐশ্বৰ্য ৰায় বচ্চনক তেওঁৰ কন্যা আৰাধ্যা বচ্চনৰ সৈতে দেখা গৈছে। ঐশ্বৰ্য ৰায় আৰু আৰাধ্যা কান চলচ্চিত্ৰ মহোৎসৱলৈ ৰাওনা হৈছে আৰু অভিনেত্ৰীগৰাকীৰ বহু অনুৰাগীয়ে তেওঁলোকক বিমানবন্দৰত লগ কৰিবলৈ আহিছে। অভিষেক বচ্চনৰ পত্নীয়েও অনুৰাগীৰ সৈতে ফটো ক্লিক কৰিছে আৰু এতিয়া এইবাৰ তেওঁৰ কান লুকৰ বাবে অপেক্ষা কৰি আছে বহু অনুৰাগী।