মাষ্টাৰ চেফ ইণ্ডিয়া ৮ৰ বিজয়ী: মহম্মদ আছিকে মাষ্টাৰ চেফ ইণ্ডিয়া ছিজন ৮ৰ বিজয়ীৰ খিতাপ লাভ কৰিছে। জনপ্ৰিয় ৰিয়েলিটি শ্ব’ মাষ্টাৰ চেফ ইণ্ডিয়াৰ ট্ৰফীৰ লগতে বিজয়ীগৰাকীয়ে লাভ কৰে বিপুল পুৰস্কাৰৰ ধন। জনপ্ৰিয় ৰিয়েলিটি শ্ব’ মাষ্টাৰ চেফ ইণ্ডিয়াৰ ছিজন ৮ৰ ফিনালে শুকুৰবাৰে সন্ধিয়া টেলিকাষ্ট কৰা হয়। এই ছিজনৰ বিচাৰক আছিল পূজা ধিংৰাৰ লগতে চেফ বিকাশ খান্না আৰু চেফ ৰণবীৰ ব্ৰাৰ। চূড়ান্ত খণ্ডটোত কেইবাটাও প্ৰত্যাহ্বানৰ অন্তত মাত্ৰ ২৪ বছৰীয়া মঙলদৈৰ বাসিন্দা মহম্মদ আছিকে মাষ্টাৰ চেফ ইণ্ডিয়া ২০২৩ৰ খিতাপ লাভ কৰিছে। মহম্মদ আছিকক বিজয়ী হিচাপে অভিষিক্ত কৰাৰ বিপৰীতে নামবি জেচিকা মাৰাকে প্ৰথম ৰানাৰ্ছ আপ হিচাপে পৰিগণিত হয়।
মাষ্টাৰ চেফ ইণ্ডিয়া ছিজন ৮ত অংশগ্ৰহণ কৰাৰ পূৰ্বে মহম্মদ আছিকে জুচৰ দোকান চলাইছিল। নিজৰ কঠোৰ পৰিশ্ৰম আৰু প্ৰতিভাৰ আধাৰত মহম্মদ আছিকে জনপ্ৰিয় ৰিয়েলিটি শ্ব’ৰ ট্ৰফীৰ লগতে ২৫ লাখ টকাৰ পুৰস্কাৰ লাভ কৰে।
মাষ্টাৰ চেফ ছিজন ৮ৰ বিজয়ী খিতাপ লাভ কৰাৰ পিছত মহম্মদ আছিকে এই অনুষ্ঠানটোৰ প্ৰতি কৃতজ্ঞতা প্ৰকাশ কৰে। মহম্মদ আছিকে কয়- ‘মাষ্টাৰচেফ ইণ্ডিয়াৰ এই যাত্ৰাৰ বাবে মই অতিশয় কৃতজ্ঞ।