কাইলৈৰ পৰা বন্ধ থাকিব পুৰণি শৰাইঘাট দলং।
নৰ্থ ইষ্ট ফ্ৰণ্টিয়াৰ ৰেলৱে দলং খন মেৰামতিৰ কাম হাতত লোৱাৰ বাবে এই নিৰ্দেশনা জাৰি কৰা হৈছে।
নিৰ্দেশনা অনুসৰি ১৩ জুলাইৰ পুৱা ৫ বজাৰ পৰা পুৰণি শৰাইঘাট দলং খনেৰে যান-বাহন সম্পূৰ্ণৰূপে বন্ধ হ’ব।
১৫ ছেপ্টেম্বৰ পৰ্যন্ত বন্ধ থাকিব শৰাইঘাটৰ পুৰণি দলং।
এই সময়চোৱাত সকলো যান-বাহনে যায়াতৰ বাবে নতুন শৰাইঘাটৰ দলং ব্যৱহাৰ কৰিব লাগিব।
পুৱা ৬ বজাৰ পৰা নিশা ১০ বজাৰ ভিতৰত নতুন শৰাইঘাট দলঙৰ ওপেৰেৰ গুৱাহাটীত বাণিজ্যিক যান-বাহন প্ৰৱেশ বা প্ৰস্থান কৰিব নোৱাৰিব।
নামনি অসম আৰু উজনি অসমৰ মাজত যাত্ৰীবাহী বাছৰ বাহিৰে গধুৰ মটৰ গাড়ীৰ বাবে বিকল্প পথ নিৰ্ধাৰণ কৰা হৈছে।
