ক্ষেত্ৰীৰ তেতেলীয়াত নিশা সংঘটিত ভয়ংকৰ পথ দুৰ্ঘটনা।
ৰাষ্ট্ৰীয় ঘাইপথত নিয়ন্ত্ৰণ হেৰুৱাই ডিভাইডাৰত খুন্দা মাৰে এখন তীব্ৰবেগী ট্ৰাকে।
ঘটনাত এজন লোকৰ মৃত্যু হয়।
গুৱাহাটীৰ পৰা উজনি অসম অভিমুখে প্লাষ্টিক চকী কঢ়িয়াই নিয়া AS25FC0375 নম্বৰৰ ট্ৰাকখনে নিয়ন্ত্ৰণ হেৰুৱাই ৰাষ্ট্ৰীয় ঘাইপথৰ ডিভাইডাৰত প্ৰচণ্ড জোৰে খুন্দা মাৰে।
খুন্দাৰ ফলত ডিভাইডাৰৰ ৰেলিং ট্ৰাকখনৰ মাজেৰে ইপাৰ-সিপাৰ হৈ যায় আৰু ঘটনাস্থলীতেই এজন নিহত হয়।
খবৰ পাই নিশাই ক্ষেত্ৰী যানবাহন আৰক্ষী ঘটনাস্থলীত উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।
