আমেৰিকাৰ ৰাষ্ট্ৰপতি Donald Trump আৰু ভাৰতৰ প্ৰধানমন্ত্ৰী Narendra Modiৰ মাজত এক গুৰুত্বপূৰ্ণ টেলিফোনিক বাৰ্তালাপ অনুষ্ঠিত হয়। প্ৰায় ৪০ মিনিট ধৰি চলা এই আলোচনা সময়ছোৱাত দুয়ো দেশৰ দ্বিপাক্ষিক সম্পৰ্ক অধিক সুদৃঢ় কৰাৰ বিভিন্ন দিশত মত-বিনিময় কৰা হয়।
বাৰ্তালাপত বিশেষকৈ পশ্চিম এচিয়াৰ বৰ্তমান পৰিস্থিতি আৰু চলি থকা সংঘাতক লৈ দুয়ো ৰাষ্ট্ৰনেতাই গভীৰ আলোচনা কৰে। ইয়াৰ উপৰি শেহতীয়াভাৱে হৰমুজ প্ৰণালীক কেন্দ্ৰ কৰি সৃষ্টি হোৱা উত্তেজনাৰ বিষয়টোও আলোচনাৰ মুখ্য অংশ আছিল। এই সন্দৰ্ভত প্ৰধানমন্ত্ৰী মোডীয়ে হৰমুজ প্ৰণালীক মুক্ত, নিৰাপদ আৰু অবাধ বাণিজ্যৰ বাবে সুৰক্ষিত কৰি ৰখাৰ ওপৰত গুৰুত্ব আৰোপ কৰে।
প্ৰধানমন্ত্ৰী মোডীয়ে এই ফোনালাপৰ বিষয়ে সামাজিক মাধ্যম Xত জনাই কয় যে ভাৰত আৰু আমেৰিকাৰ মাজত সহযোগিতা আৰু সমন্বয় আগন্তুক দিনসমূহত আৰু অধিক মজবুত হ’ব।
