আজি বল মুখ্য কাৰ্যালয়ৰ নিৰ্দেশনা অনুসৰি আৰু প্ৰথম বাহিনী সশস্ত্ৰ সীমা বল, সোণাপুৰৰ কমাণ্ডেণ্ট শ্ৰী সুনীল কৌশিকৰ মাৰ্গদৰ্শনত বাহিনী মুখ্য কাৰ্যালয় আৰু বাহিনীৰ সকলো কোম্পানীত সতৰ্কতা সজাগতা সপ্তাহ-২০২৬ (Vigilance Awareness Week-2026)ৰ শুভাৰম্ভ কৰা হয়। এই কাৰ্যসূচী ২৬.১০.২০২৬ তাৰিখৰ পৰা ০১.১১.২০২৬ তাৰিখলৈ পালন কৰা হ’ব।
এই উপলক্ষে প্ৰথম বাহিনী সশস্ত্ৰ সীমা বল, সোণাপুৰৰ উপ-কমাণ্ডেণ্ট শ্ৰী বিকাশ সিঙে সতৰ্কতা সজাগতা সপ্তাহৰ নিৰ্ধাৰিত শপত পাঠ কৰে আৰু উপস্থিত সকলো বলৰ কৰ্মচাৰীক শপত বাক্য পাঠ কৰোৱায়। লগতে, বাহিনী মুখ্য কাৰ্যালয় আৰু সকলো কোম্পানীৰ বলৰ কৰ্মচাৰীসকলক সততা, নিষ্ঠা, স্বচ্ছতা আৰু দায়বদ্ধতাৰ গুৰুত্ব সম্পৰ্কে সজাগ কৰা হয়।
কাৰ্যসূচীৰ সময়ত সকলো কৰ্মচাৰীক দুৰ্নীতিৰ বিৰুদ্ধে সতৰ্ক হৈ থাকিবলৈ আৰু নিজৰ কৰ্তব্য সম্পূৰ্ণ নিষ্ঠা, সততা আৰু স্বচ্ছতাৰে পালন কৰিবলৈ উৎসাহিত কৰা হয়।
এই সপ্তাহজুৰি বিভিন্ন সজাগতামূলক কাৰ্যসূচীৰ জৰিয়তে কৰ্মচাৰীসকলৰ মাজত নৈতিক মূল্যবোধ শক্তিশালী কৰা, দুৰ্নীতিমুক্ত কৰ্মসংস্কৃতি গঢ়ি তোলা আৰু সততা তথা সুশাসনৰ প্ৰতি প্ৰতিশ্ৰুতি অধিক সুদৃঢ় কৰাৰ প্ৰয়াস কৰা হ’ব।
সতৰ্কতা সজাগতা সপ্তাহ-২০২৬ৰ বিষয়বস্তু: “সততাৰ জৰিয়তে সমৃদ্ধি” (Probity for Prosperity)।
