বিনেশ ফ’গাটক সকাহ দিলে দিল্লী উচ্চ ন্যায়ালয়ে। এছিয়ান গেমছ’ত অন্তর্ভুক্ত কৰা নাছিল মল্লযুঁজাৰু বিনেশ ফ’গাটক।ভাৰতীয় মল্লযুঁজ ফেডাৰেচনক ধমক দিল্লী উচ্চ ন্যায়ালয়ৰ। বিনেশ ফ’গাটৰ গোচৰৰ তদন্ত আৰু মূল্যায়নৰ বাবে বিশেষজ্ঞ সমিতি গঠন কৰিবলৈ নিৰ্দেশ কেন্দ্ৰীয় চৰকাৰকষ
ভাৰতীয় মল্লযুঁজ ফেডাৰেচনে আগন্তুক এছিয়ান গেমছৰ বাছনি প্ৰক্ৰিয়াৰ বাবে অযোগ্য ঘোষণা কৰাৰ পিছতে বিনেশ ফ’গাট বিতৰ্কৰ কেন্দ্ৰবিন্দু হৈ পৰিছিল। গণ্ডাত অনুষ্ঠিত হ’বলগীয়া ৰাষ্ট্ৰীয় মুকলি ৰেংকিং প্ৰতিযোগিতাত ফ’গাটক প্ৰৱেশৰ পৰা বঞ্চিত হোৱাৰ খবৰ পোৱাৰ পিছতে এই বিষয়টো তীব্ৰতৰ হৈ পৰে, ডব্লিউ এফ আইয়ে অৱসৰ সম্পৰ্কীয় নিয়ম আৰু এণ্টি ড’পিং পদ্ধতিৰ উল্লেখ কৰে। ফেডাৰেচনৰ মতে, অৱসৰৰ পৰা উভতি অহা খেলুৱৈসকলৰ ক্ষেত্ৰত প্ৰযোজ্য এণ্টি ড’পিং নিয়মৰ অধীনত ছমাহৰ জাননীৰ সময়সীমা বাধ্যতামূলক হোৱাৰ বাবে ২০২৬ চনৰ ২৬ জুনলৈকে মল্লযুঁজাৰুগৰাকীয়ে প্ৰতিযোগিতাত অংশগ্ৰহণৰ বাবে অযোগ্য হৈ আছে। অৱশ্যে এই বিষয়টো দিল্লী উচ্চ ন্যায়ালয়ত উপস্থিত হয় আৰু আদালতে ডব্লিউ এফ আইৰ সিদ্ধান্তক তীব্ৰ প্ৰশ্ন উত্থাপন কৰে। মুখ্য ন্যায়াধীশ ডি কে উপাধ্যায় আৰু ন্যায়াধীশ তেজস কাৰিয়াক লৈ গঠিত বিচাৰপীঠে ফেডাৰেচনক সমালোচনা কৰাৰ লগতে আন্তঃৰাষ্ট্ৰীয় স্বীকৃতিপ্ৰাপ্ত খেলুৱৈসকলক প্ৰতিযোগিতাত অংশগ্ৰহণ কৰাত বাধা দিয়াটোৱে ভাৰতীয় ক্ৰীড়াৰ বাবে ভুল বাৰ্তা প্ৰেৰণ কৰা বুলি পৰ্যবেক্ষণ কৰা বুলি জানিব পৰা গৈছে। উচ্চ ন্যায়ালয়ে ডব্লিউ এফ আইক বিনেশ ফ’গাটক এছিয়ান গেমছৰ বাছনি পৰীক্ষাত অংশগ্ৰহণৰ অনুমতি দিবলৈও নিৰ্দেশ দিয়ে। শুনানিৰ সময়ত আদালতে তেওঁৰ যোগ্যতা মূল্যায়নৰ বাবে বিশেষ বিশেষজ্ঞ পেনেল গঠন কৰিবলৈ কয়, কাৰণ অধিবক্তাই বিচাৰপীঠক জনাইছিল যে ভাৰতীয় ক্ৰীড়া কৰ্তৃপক্ষই ব্যতিক্ৰমী ক্ষেত্ৰত যোগ্যতাৰ মাপকাঠী শিথিল কৰাৰ অনুমতি দিয়ে।
আদালতে ফ’গাটৰ ব্যক্তিগত জীৱনৰ পৰিস্থিতিৰ ওপৰত আৰু আলোকপাত কৰি উল্লেখ কৰে যে ২০২৫ চনৰ জুলাই মাহত তেওঁ মাতৃ হৈছিল আৰু এবছৰ নৌহওঁতেই তেওঁক অযোগ্য ঘোষণা কৰা হৈছিল। বিচাৰকসকলে মন্তব্য কৰে যে মাতৃত্বক ক্ৰীড়াৰ পৰা বৰ্জনৰ কাৰণ হোৱাতকৈ উদযাপন আৰু সমৰ্থন কৰা উচিত। ২০২৬ চনৰ এছিয়ান গেমছৰ বাছনি পৰীক্ষাত বিনেশে অংশগ্রহণ কৰিব পৰাটো নিশ্চিত কৰিবলৈও নির্দেশ আদালতৰমাতৃত্ব অপৰাধ নহয় আৰু কোনো খেলুৱৈকে প্রতিশোধৰ ব্যৱহাৰ কৰিব নোৱাৰি বুলি স্পষ্ট কৰি দিয়ে আদালতে।
