মাধুৰ্য বৰ্মনৰ বাসগৃহত শোকাকুল পৰিবেশ। নলবাৰীৰ গংগাপুৰত দেওবাৰে দুৰ্বৃত্তৰ আক্ৰমণত নিহত মাধুৰ্য বৰ্মনৰ বাসগৃহত শোকাকুল পৰিবেশ। তেজেৰে লুটুৰি পুটুৰি অৱস্থাত উদ্ধাৰ হৈছিল মাধুৰ্য্য বৰ্মন আৰু সম্বন্ধীয় ভগ্নী মৃদুমুদ্ৰা ডেকা। ঘটনাস্থলীতে মৃত্যু হৈছিল মাধুৰ্য বৰ্মনৰ, চিকিৎসাধীন হৈ আছে যুৱতীগৰাকী। নলবাৰীৰ চামতাৰ বালিপথাৰত ঘৰ মৃত যুৱক মাধুৰ্য বৰ্মনৰ। মাধুৰ্য পশ্চিম নলবাৰী আঞ্চলিক ছাত্ৰ সন্থাৰ সহকাৰী সম্পাদক হিচাপে কাৰ্যনিৰ্বাহ কৰি আছিল। একমাত্ৰ সন্তানক হেৰুৱাই শোকত ভাগি পৰিছে পিতৃ মাতৃ। নলবাৰীৰ গংগাপুৰত দেওবাৰে দুৰ্বৃত্তৰ আক্ৰমণত নিহত হোৱা নলবাৰীৰ চামতাৰ মাধুৰ্য বৰ্মনৰ বাসগৃহত এতিয়া শোকাকুল পৰিবেশ।
দেওবাৰে ৰাজপথৰ ওপৰত তেজেৰে লুটুৰি পুটুৰি অৱস্থাত উদ্ধাৰ হৈছিল মাধুৰ্য্য বৰ্মন আৰু তেওঁৰ সম্বন্ধীয় ভগ্নী মৃদুমুদ্ৰা ডেকা। ঘটনাস্থলীতে মৃত্যু হৈছিল মাধুৰ্য বৰ্মনৰ আৰু চিকিৎসাধীন হৈ আছে যুৱতীগৰাকী। চামতাৰ বালিপথাৰত ঘৰ মৃত যুৱক মাধুৰ্য বৰ্মনৰ৷ মাধুৰ্যৰ মৃত্যুৰ বাতৰি বিয়পি পৰাৰ পিছৰে পৰা সমগ্ৰ পশ্চিম নলবাৰী অঞ্চলতে শোকাকুল পৰিবেশে বিৰাজ কৰি আছে । চামতাৰ হৰি বৰ্মন আৰু দীপা বৰ্মনৰ একমাত্ৰ পুত্ৰ মাধুৰ্যই চামতা ইডেন ভেলী একাডেমীৰ পৰা এইবেলি উচ্চতৰ মাধ্যমিক চূড়ান্ত পৰীক্ষাত প্ৰথম বিভাগত উত্তীৰ্ণ হয়। অসম আন্দোলনৰ নিৰ্যাতিত আছিল পিতৃ হৰি বৰ্মন। মাধুৰ্য পশ্চিম নলবাৰী আঞ্চলিক ছাত্ৰ সন্থাৰ সহকাৰী সম্পাদক হিচাপে কাৰ্যনিৰ্বাহ কৰি আছিল। অসম আন্দোলনৰ নিৰ্যাতিত হৈও চৰকাৰী কোনো সুবিধা গ্ৰহণ নকৰিলে পিতৃ হৰি বৰ্মনে। একমাত্ৰ সন্তানক হেৰুৱাই শোকত ভাগি পৰিছে পিতৃ মাতৃ। ওচৰ চুবুৰীয়াৰ লগতে আত্মীয় কুটুম্বই মাধুৰ্য ঘৰত উপস্থিত হৈ পিতৃ মাতৃক সান্তনা দি আছে । সকলোৱে একেমুখে হত্যাকাৰীৰ উচিত শাস্তি বিচাৰিছে।
