লকডাউনৰ সময়ত গৃহ ৰাজ্যলৈ গৈছিল ১.০৬ কোটি প্ৰৱজিত শ্ৰমিক : মন্ত্ৰী ভি কে সিং

অনলাইন বাৰ্তা : চলিত বছৰো মাৰ্চ মাহৰ পৰা জুন মাহৰ ভিতৰত ক’ভিড-১৯ৰ লকডাউনৰ সময়ত এক কোটিৰো অধিক প্ৰৱজিত শ্ৰমিক খোজকাঢ়ি তেওঁলোকৰ গৃহ ৰাজ্যলৈ গৈছিল ৷ মঙলবাৰে এই কথা কয় চৰকাৰে ৷ ক’ভিড-১৯ৰ ফলত নিৰ্দিষ্ট ৰাজ্যৰ পৰা ঘৰুৱা ৰাজ্যলৈ বহু সংখ্যক শ্ৰমিক স্থানান্তৰ হৈছিল ৷ পথ পৰিবহণ আৰু ৰাজপথ বিভাগৰ ৰাজ্যিক মন্ত্ৰী ভি কে সিঙে লোকসভাত এই কথা লিখিতভাৱে জনাইছে ৷ শ্রম আৰু কর্মসংস্থান মন্ত্ৰালয়ৰ সংকলিত তথ্য মতে, লকডাউনৰ সময়ত খোজকাঢ়ি যোৱা সকলক ধৰি ১.০৬ কোটি প্ৰৱজিত শ্ৰমিক নিজ ৰাজ্যলৈ ঘুৰি গৈছিল বুলি তেওঁ কয় ৷ অস্থায়ীকৈ উপলব্ধ তথ্য মতে ৮১,৩৮৫ টা ৰাজপথসহ পথ দুৰ্ঘটনা হৈছিল ৷ মাৰ্চ-জুনৰ সময়ত ২৯,৪১৫ জনৰ মৃত্যু ঘটনা হয় বুলি তেওঁ লোকসভাত জনায় ৷ তদুপৰি তেওঁ জনায় যে লকডাউনৰ সময়ত পথ দুৰ্ঘটনাত মৃত্যু হোৱা প্ৰৱজিত শ্ৰমিকৰ ক্ষেত্ৰত মন্ত্রণালয়ে পৃথকে তথ্য সংৰক্ষণ কৰা নাই ৷