Breaking

বোকাজানত ড্ৰাগছসহ আটক ১

0 182

বোকাজান

 বোকাজান নগৰৰ মাজমজিয়াত সোমবাৰে আৰক্ষীয়ে এখন নম্বৰ প্লেট বিহীন বাইকত অহা এজন যুৱকক ড্ৰাগছসহ আটক কৰিবলৈ সক্ষম হয়। ধৃত যুৱকজন বালিপথাৰৰ দিলাওজানৰ ধীৰাজ চিংফৌ বুলি জানিব পৰা গৈছে। আৰক্ষী সূত্ৰে জানিব পৰা মতে ডিমাপুৰৰ পৰা বাইকেৰে দিলাওজান অভিমুখে গৈ থকা অৱস্থাত আৰক্ষীয়ে তেওঁক  নিজৰাপাৰত ৰখাই তালাচী চলাই হেলমেটত লুকুৱাই অনা অৱস্থাত ৯.৭০ গ্ৰাম আৰু ৯.৮৫ গ্ৰামৰ দুই পেকেট ব্ৰাউন ছুগাৰ জব্দ কৰাৰ লগতে যুৱকজনক আটক কৰে৷ জব্দ কৰা ড্ৰাগছখিনিৰ মূল্য প্ৰায় ষাঠি হাজাৰ টকা বুলি প্ৰকাশ। উল্লেখযোগ্য যে এই যুৱকজনৰ লগত তল বালিজানৰ নয়নজ্যোতি শইকীয়া আৰু সঞ্জয় নামৰ আন দুজন যুৱক আছিল যদিও পলাই সাৰে বুলি আৰক্ষীয়ে প্ৰকাশ কৰে৷

Leave A Reply