Breaking

১, ২ আৰু ৩ জানুৱাৰীত সদৌ অসম অ’বিচি সন্মিলনৰ উনবিংশতিতম ত্ৰিবাৰ্ষিক অধিবেশন

0 1,109

উত্তৰ গুৱাহাটী, ২০ নবেম্বৰ : সদৌ অসম অন্যান্য পিছপৰা শ্ৰেনী সন্মিলনৰ উনবিংশতিতম ত্ৰি-বাৰ্ষিক অধিবেশন খনি অহা  ১, ২ আৰু ৩ জানুৱাৰীত তিনিদিনীয়াকৈ অনুষ্ঠিত কৰা হৈছে । যোৰহাটৰ তিতাবৰ উন্নয়ন খণ্ডৰ কাৰ্যলয়ৰ চৌহদত অনুষ্ঠিত হবলগীয়া অধিবেশনত ১ জানুৱাৰীত বিয়লী ২ বজাত প্ৰতিনিধি শিবিৰ মুকলি আৰু প্ৰতিনিধিৰ পঞ্জীয়ন সন্ধিয়া ৬ বজাত প্ৰতিনিধিৰ লগত অন্তৰঙ্গ অনুষ্ঠান, ২ জানুৱাৰী পুৱা ৮ বজাত পতাকা উত্তোলন, ৮.৩০ বজাত বৰেণ্য  ব্যক্তিসকললৈ শ্ৰদ্ধাঞ্জলি, ৯.৩০ বজাত ৰাজ্যিক পৰিষদৰ প্ৰথম অধিবেশন বিয়লি ২ বজাত ৰাজ্যিক পৰিষদৰ দ্বিতীয় অধিবেশন আৰু বিষয় বাছনি সভা আৰু  ৩ জানুৱাৰী ১০ বজাত সন্মিলনৰ ৬২ সংখ্যক প্ৰতিষ্ঠা দিৱসৰ মুকলি সভাৰ আয়োজন কৰা হৈছে। ইতিমধ্যে ত্ৰি- বাৰ্ষিক অধিবেশন স‍াফল্যমণ্ডিত কৰিবলৈ হেমেন শইকীয়াক সভাপতি আৰু অৰূপ কুমাৰ সন্দিকৈ প্ৰধান সম্পাদক হিচাপে লৈ এখন অভ্যৰ্থনা সমিতি গঠন কৰা হৈছে । সদৌ অসম অন্যান্য পিছপৰা শ্ৰেনী সন্মিলনৰ উনবিংশতিতম ত্ৰি-বাৰ্ষিক অধিবেশন ৰাজ্যৰ প্ৰতিতো প্ৰান্তৰ  অন্যান্য পিছপৰা শ্ৰেনীৰ লোক সকলৰ উপস্থিতি তথা সহায় সহযোগিতা সদৌ অসম অন্যান্য পিছপৰা শ্ৰেণী সন্মিলনৰ সভ‍াপতি অমৰ গগৈ সম্পাদক বসন্ত কুমাৰ আৰু ৰাজ্যিক সন্মিলনৰ  আহ্বায়ক কৌশিক দাসে এক প্ৰেছ বিজ্ঞতিযোগে জনাইছে ।