Breaking

উত্তৰ প্ৰদেশত পথ দুৰ্ঘটনাত ২৪ শ্ৰমিকৰ মৃত্যু

0 43

দৈনন্দিন বাৰ্তা প্ৰতিবেদন

পুনৰ পথ দুৰ্ঘটনাত মৃত্যু হ’ল প্ৰব্ৰজিত শ্ৰমিক৷ এইবাৰ উত্তৰ প্ৰদেশত সংঘটিত এক পথ দুৰ্ঘটনাত মৃত্যু হয় ২৪ জন শ্ৰমিক৷ শনিবাৰে পুৱতি নিশা প্ৰায় ৩.৩০ বজাত উত্তৰ প্ৰদেশৰ অৰাইয়াত দুখন ট্ৰাকৰ মুখামুখি সংঘৰ্ষত এই শ্ৰমিককেইজনৰ মৃত্যু হয়৷ ঘটনাটোত আহত হয় ২২জনকৈ শ্ৰমিক৷ ইয়াৰে ১৫ জন শ্ৰমিকৰ অৱস্থা সংকটজনক৷ এই শ্ৰমিকসকল বিহাৰ, ঝাৰখণ্ড আৰু পশ্চিম বংগৰ বাসিন্দা৷ তেওঁলোক ৰাজস্থানৰ পৰা নিজৰ ঘৰলৈ আহিছিল৷ দুৰ্ঘটনাত আহতসকলক উদ্ধাৰ কৰি চিকিৎসালয়ত ভৰ্ত্তি কৰে৷ দুৰ্ঘটনা সন্দৰ্ভত এই তথ্য প্ৰকাশ কৰে জিলা প্ৰশাসনে৷ ঘটনা সন্দৰ্ভত উত্তৰ প্ৰদেশৰ অতিৰিক্ত মুখ্য সচিব (গৃহ) অবনীশ অবস্তিয়ে কয়, এই দুৰ্ঘটনাটো দুৰ্ভাগ্যজনক বুলি কৈছে মুখ্যমন্ত্ৰী যোগী আদিত্যনাথে৷ মুখ্যমন্ত্ৰী আদিত্যনাথে শ্ৰমিকসকলৰ পৰিয়ালৰ প্ৰতি সমবেদনা জনায়৷ পথ দুর্ঘটনাত মৃত শ্রমিকসকলৰ পৰিয়ালৰ প্ৰতি সমবেদনা জনাইছে প্ৰধানমন্ত্ৰী নৰেন্দ্ৰ মোডীয়ে৷ হিন্দীত লিখা এটা টুইটত প্ৰধানমন্ত্ৰীয়ি লিখিছে, উত্তৰ প্ৰদেশৰ দুৰ্ঘটনা দুঃখজনক৷ চৰকাৰে উদ্ধাৰ কাৰ্য কৰিছে৷ দুৰ্ঘটনাত মৃতসকলৰ পৰিয়ালৰ প্ৰতি আমাৰ সমবেদনা জনালো৷ আহতসকল শীঘ্ৰে আৰোগ্য হৈ উঠিবৰ বাবে প্ৰাৰ্থনা কৰে৷

Leave A Reply