দৈনন্দিন বাৰ্তা ডেস্ক :
এখন আদালতে বৃহস্পতিবাৰে ২১ খন দেশৰ ২৮৪ জন বিদেশী তগলিবি জামাতৰ সদস্যক কাৰাদণ্ডৰে দণ্ডিত কৰিছে৷ এই সন্দৰ্ভত যোৱা ৬ জুলাইত আবেদন দাখিল কৰা হৈছিল, য’ত ছাকেট আদালতে জামিতৰ সদস্যসকলক ৫ হাজাৰৰ পৰা ১০ হাজাৰ টকাৰ জৰিমনা বিহিছে৷ প্ৰাপ্ত তথ্য মতে ২১ খন দেশৰ তগলিবি জামাতৰ সদস্যসকলে দেশৰ ৰাজধানীত ক’ৰোনা ভাইৰাছ ৰোধৰ বাবে দিয়া লকডাউন অমান্য কৰাৰ বাবে দিল্লী আৰক্ষীৰ অপৰাধ শাখাই আদালতত গোচৰ তৰিছিল৷ সেই অপৰাধৰ বাবে সদস্যসকলৰ ওপৰত ভাৰতীয় দণ্ডাবিধি আইনৰ অধীনত অভিযুক্ত কৰা হৈছিল৷ তগলিবি জামাতৰ বিভিন্ন দেশৰ সদস্য আছিল৷ তাৰ ভিতৰত মালয়েছিয়াৰ ১২১, ছৌদি আৰবৰ ১১, ছুডানৰ ৫, আলজেৰিয়াৰ ৮, ইংলেণ্ডৰ ২, বেলজিয়ামৰ ১, ইজিপ্তৰ ১, ফিলিপাইনৰ ৬, চীনৰ ৭, মৰোক্কোৰ ২, ইউক্ৰেইনৰ ১, ফিজিৰ ১৪, ব্ৰাজিলৰ ৭, আফগানিস্থানৰ ৪, অষ্ট্ৰেলিয়াৰ ২, মালিৰ ২, দগবুটিৰ ২, কেনিয়াৰ ২, শ্ৰীলংকাৰ ১৭, ম্যানমাৰৰ ৪৭ আৰু নেপালৰ ২২জন সদস্য আছিল ৷