আৰু ৪ মাহ বাকী !

৯০ দশকৰ অন্যতম জনপ্ৰিয় ছবি ‘কুচ কুচ হোতা হে’ৰ চৰিত্ৰসমূহ দৰ্শকৰ মনত এতিয়াও সজীৱ হৈ আছে৷ ৰাহুল-অঞ্জলিৰ লাভ ষ্ট’ৰীৰ এই ছবিখন হৈছিল ছুপাৰ-ডুপাৰ হিট। এই চিনেমাখনত পাগুৰি মৰা এটা সৰু পঞ্জাৱী ল’ৰাৰ চৰিত্ৰত অভিনয় কৰিছিল পাৰজান দস্তুৰে। সেই সময়ত বয়সত সৰু হ’লেও পাৰজানৰ অভিনয় আছিল অনবদ্য। আকাশৰ তৰা গণি দৰ্শকৰ মন জয় কৰা পাৰজান এতিয়া এজন যুৱক। অলপতে পাৰজান বিবাহপাশত আবদ্ধ হয়। প্ৰেয়সী ডেলনা শ্রফক জীৱনসংগী কৰিছে পাৰজানে। পাৰ্চী নিয়ম অনুযায়ী সম্পন্ন হয় দুয়োৰে বিবাহ। বিয়াৰ কিছুদিনৰ পূৰ্বে এখন ফটো চেয়াৰ কৰি যুগ্ম জীৱনৰ পাতনি মেলাৰ ইংগিত দিছিল পাৰজানে। সমুদ্ৰৰ তীৰত প্ৰেয়সীক প্ৰ’পজ কৰাৰ ফটো আপলোড কৰি লিখিছিল, ‘আৰু ৪ মাহ বাকী।’ এই ন দম্পতীক শুভেচ্ছাৰে ওপচাইছে অনুৰাগীয়ে।