ভয়ংকৰ বিস্ফোৰণত কঁপি উঠিল কৰ্ণাটকৰ শিৱমোগা। বৃহস্পতিবাৰে নিশা ১০.২০ বজাত শিবমোগাত সংঘটিত হয় এই বিস্ফোৰণৰ ঘটনা। বিস্ফোৰণৰ তীব্ৰতা ইমানেই বেছি আছিল যে পাৰ্শ্বৱৰ্তী চিকমাগালুৰ আৰু দাভানগেৰে জিলাতো কম্পন অনুভূত হয়। বিস্ফোৰণৰ ফলত ইতিমধ্যে ১৫জন লোকৰ মৃত্যু হৈছে। মৃতকৰ সংখ্যা আৰু বৃদ্ধি পোৱাৰ সম্ভাৱনা আছে। এই ঘটনাত শোক প্ৰকাশ কৰিছে প্ৰধানমন্ত্ৰী নৰেন্দ্ৰ মোদীয়ে।
এজন প্ৰত্যক্ষদৰ্শীয়ে সংবাদ প্ৰতিষ্ঠান পিটিআইক জনাইছে, ডিনামাইট বিস্ফোৰণৰ তীব্ৰতা ইমানেই বেছি আছিল যে তাৰ ফলত স্থানীয় একাধিক ঘৰৰ আইনা ভাঙি পৰে। ৰাস্তা আৰু ঘৰত ফাট মেলিছে।