মেকআপ লগোৱাটো বহুতৰে বাবে যথেষ্ট প্ৰত্যাহ্বানমূলক কাম। সকলোৱে পাঁচ মিনিটত নিজকে সজাই তুলিব নোৱাৰে।(Makeup) অফিচলৈ নাইবা বিয়ালৈ লৰালৰিকৈ যাব লগা হৈছে। কি কৰিব সেই সময়ত, নিজকে কেনেকৈ কম সময়ত সজাই তুলিব? মেকআপে দিনটোৰ ভাগৰ আৰু মানসিক চাপৰ ফলত সৃষ্টি হোৱা মুখৰ দুৰ্বল অৱস্থাটো ঢাকি ৰাখিব পাৰে। কিন্তু সময়ত আপোনাৰ প্ৰসাধন সামগ্ৰীৰ টোপোলা খুলিবলৈও সময় নাই। যদি আপোনাৰ হাতত মাত্ৰ পাঁচ মিনিট সময় থাকে, তেন্তে সোনকালে সাজু হ’বলৈ কি কৰা উচিত? অভিনেত্ৰী আলিয়া ভাটৰ পৰা লওক কেইটামান টিপছ-
১) ১ মিনিট ছাল পৰিষ্কাৰ কৰিবলৈ
মুখৰ ক্লান্তি দূৰ কৰাৰ প্ৰথম চৰ্ত হ’ল পৰিষ্কাৰ মুখ। মুখখন ভালদৰে পৰিষ্কাৰ নকৰিলে গোটেই দিনটো মুখত তেল, ধূলি, মলি জমা হৈ যাব। মুখত যিয়েই নহওক কিয়, ছালখন জিলিকি নাথাকিব। ছালত যাতে আৰ্দ্ৰতাৰ অভাৱ নহয় তাৰ প্ৰতিও যত্ন ল’ব লাগিব।
২) বি বি ক্ৰীম লগাবলৈ ১ মিনিট
ফাউণ্ডেচন ব্যৱহাৰ কৰাৰ পৰিৱৰ্তে দৈনন্দিন ব্যৱহাৰৰ বাবে মুখত বি বি ক্ৰীম লগাব পাৰে। ফাউণ্ডেচনৰ দৰে গধুৰ নহ’লেও এই ক্ৰীমে মুখৰ দাগ ঢকাত সহায় কৰে।
৩) চকুৰ মেকআপৰ বাবে ১ মিনিট
চেলাউৰি আঁকি এক মিনিটত কাজল লগাওক। ইচ্ছা কৰিলে চকুৰ পতাতো কাজল লগাব পাৰে। অৱশ্যে চকুত আইলাইনাৰ লগাবলৈ খৰখেদা নকৰিব।
৪) ওঁঠ আৰু গালত ৰং কৰিবলৈ ১ মিনিট
গালত টিন্ট বা ব্লাছ বেলেগে লগাব নালাগে। লিপষ্টিক লগোৱাৰ পিছত আঙুলিৰে গালৰ দুয়োকাষে ভালদৰে লেপ দিব লাগে। নাকতো লাহে লাহে লগাব পাৰে।
৫) স্প্ৰে বা ফিক্সাৰ স্থাপনৰ বাবে ১ মিনিট
শেষত গালৰ একেবাৰে ওপৰত অলপ হাইলাইটাৰ আৰু ফিক্সেটিভ স্প্ৰে’ কৰক। ফিক্সাৰ লগাই ফেনৰ তলত আধা মিনিট থাকিব। এইদৰে মেচিং আউটফিট এটা লৈ বিয়ালৈ যাবলৈ সাজু হ’ব পাৰে আপুনি।
