বয়োজ্যেষ্ঠসকলে প্ৰায়ে সকলো সমস্যাৰ বাবে শুকান ফল খোৱাৰ পৰামৰ্শ দিয়ে। ইয়াৰে এটা হ’ল গাখীৰ আৰু কিচমিচ, (Milk And Raisins)যিটো আপোনাৰ খাদ্য তালিকাত অন্তৰ্ভুক্ত কৰিলে বহু উপকাৰ লাভ কৰিব। কিচচমিচ হৈছে পুষ্টিকৰ দ্ৰব্য সমৃদ্ধ শুকান ফল, য’ত ভাল পৰিমাণৰ আঁহ থাকে। গাখীৰ আৰু কিচমিচ খালে হজম শক্তিকে ধৰি বহুতো স্বাস্থ্যজনিত সমস্যাৰ পৰা সকাহ পোৱা যায়। বিশেষকৈ কিচমিচ আৰু গাখীৰ একেলগে খালে আপুনি বহুতো উপকাৰ পাব।
গাখীৰত ট্ৰিপ্ট’ফেন নামৰ মৌল থাকে, যাৰ ফলত চেৰ’টনিন (টোপনি নিয়ন্ত্ৰণ কৰা হৰম’ন)ৰ মাত্ৰা বৃদ্ধি পায়। কিচমিচ খালে শৰীৰ শান্ত কৰাৰ লগতে টোপনিও ভাল হয়। ৰাতি শোৱাৰ আগতে গাখীৰ আৰু কিচমিচ খালে গভীৰ টোপনি অহাত সহায় কৰে।
গাখীৰত কেলচিয়াম থাকে আৰু কিচমিচত আইৰণ আৰু খনিজ পদাৰ্থ থাকে, যিয়ে হাড় আৰু গাঁঠি মজবুত কৰে। ই হাড় মজবুত কৰাত সহায় কৰে আৰু হাড়ৰ লগত জড়িত সমস্যা দূৰ কৰে।
কিচমিচত আঁহ থাকে, যাৰ ফলত হজম শক্তি উন্নত হয় আৰু কোষ্ঠকাঠিন্যৰ সমস্যা দূৰ হয়। গাখীৰৰ লগত মিহলাই খালে হজম শক্তি ভাল হয়
কিচমিচত পটাছিয়াম আৰু এন্টিঅক্সিডেন্ট থাকে, যিয়ে ৰক্তচাপ নিয়ন্ত্ৰণ কৰে আৰু হৃদযন্ত্ৰৰ স্বাস্থ্য বজাই ৰাখে। শৰীৰৰ পৰা বেয়া কলেষ্টেৰল কমোৱাতো সহায় কৰে।
গাখীৰ আৰু কিচমিচ একেলগে মিহলাই খালে শৰীৰৰ চৰ্বি কম কৰাত সহায় কৰে। গাখীৰ আৰু কিচমিচত থকা প্ৰটিনৰ মিশ্ৰণে পেট ভৰাই আৰু বহু সময় লৈকে ভোক অনুভৱ কৰিবলৈ নিদিয়ে, যাৰ ফলত ওজন নিয়ন্ত্ৰণত থাকে।
কিচমিচ আৰু গাখীৰ খোৱাটোও ছালৰ স্বাস্থ্যৰ বাবে উপকাৰী। কিচমিচত থকা এন্টিঅক্সিডেন্ট আৰু গাখীৰত থকা ভিটামিনে ছালখনক উজ্জ্বল আৰু সুস্থ কৰি ৰাখে। ই ছালৰ দাগ কমায়।
গাখীৰ আৰু কিচমিচত থকা ভিটামিন চি আৰু অন্যান্য খনিজ পদাৰ্থই শৰীৰৰ ৰোগ প্ৰতিৰোধ ক্ষমতা শক্তিশালী কৰে, যাতে আপুনি চৰ্দি আৰু কাহৰ দৰে সাধাৰণ ৰোগৰ পৰা আঁতৰি থাকিব পাৰে।
