স্বচ্ছতাই এক সেৱা। (Sivasagar News) এই সেৱা আগবঢ়াবলৈ ওলাই আহিছে শিৱসাগৰ জিলা গৃহৰক্ষী স্বেচ্ছাসেৱক সকল। জন সেৱাৰ্থে কাম কৰি থকা এই সেৱক সকলৰ লক্ষ্য হ’ল ৰাইজক সেৱা আগবঢ়োৱাৰ লগতে স্বচ্ছতাক ৰাইজৰ মাজলৈ নিয়া। সদৌ অসম গৃহৰক্ষী স্বেচ্ছাসেৱক কল্যান সন্থা শিৱসাগৰ জিলা সমিতিৰ উদ্যোগত যোৱা শনিবাৰে ঐতিহাসিক ন-পুখুৰী পাৰত এক চাফাই অভিযান কাৰ্যসূচী হাতত লোৱা দেখা যায়।
দীৰ্ঘদিন ধৰি আৱৰ্জনাই ভৰি পৰা ঐতিহাসিক ন-পুখুৰী পাৰৰ লগতে পুখুৰীৰ পাৰতে অৱস্থিত জিলা শাৰীৰিক ভাৱে অক্ষম ব্যক্তিৰ প্ৰশিক্ষণ আৰু পুনৰ সংস্থাপন কেন্দ্ৰৰ চাৰিও দিশে এই চাফাই অভিযান কাৰ্যসূচী হাতত লয় গৃহৰক্ষী স্বেচ্ছাসেৱক সকলে।
