ইংৰাজী ২৬ আগষ্ট (Lawn Balls) পৰা ৩১ আগষ্টলৈকে দিল্লীত অনুষ্ঠিত হোৱা ভাৰতীয় লন বল দলৰ বাচনিত শিবিৰত অসমৰ অৰ্জুন নয়নমনি শইকীয়া আৰু পুতুল সোনোৱালে অহা ইংৰাজী ৪ নবেম্বৰৰ পৰা ৮ নবেম্বৰ ২০২৫ লৈকে মালয়েছিয়াত অনুষ্ঠিত হ’বলগীয়া প্ৰথম বিশ্ব কাপ লন বল প্ৰতিযোগিতাত ভাৰতীয় দলত স্থান লাভ কৰি প্ৰথম ভাৰতীয় বিশ্ব কাপ খেলুৱৈত নিজৰ নাম অন্তৰ্ভূক্ত কৰাবলৈ সক্ষম হৈছে।
ভাৰতীয় দলত স্থান লাভ কৰা আন দুজন খেলুৱৈ ঝাৰখণ্ডৰ দীনেশ কুমাৰ আৰু ৰূপা ৰানী তিকী। অসম লন বল সন্থাই আটাইকেগৰাকী খেলুৱৈকে শুভেচ্ছা জ্ঞাপন কৰাৰ লগতে পদক লাভ কৰি ভাৰতলৈ গৌৰৱ কঢ়িয়াই আনিব বুলি আশা কৰিছে।
