আজি শিক্ষক দিৱস। (Teacher’s Day)শিক্ষক দিৱসৰ এই পবিত্ৰ দিনটোতেই স্থানীয় জয়সাগৰস্থিত শঙ্কৰ মাধৱ হাইস্কুলৰ শিক্ষক পিংকু মণি ৰায় চৌধুৰীক অঞ্চলটোৰ জয়সাগৰ, কেকানকুছি, কুটনিকুছি চাউলখোৱা, আহটা, বাকৰিকুছি নাৰুৱা আদি অঞ্চলৰ শিক্ষাৰ্থীসকলে শিক্ষকগৰাকীৰ নিজ গৃহলৈ আহি শিক্ষকগৰাকীৰ চৰণ চুই আশীৰ্বাদ লোৱাৰ লগতে শিক্ষকগৰাকীক গামোচা, কলম, ফুল আদিৰে সম্বৰ্ধনা জ্ঞাপন কৰে।
উল্লেখ্য যে আজিৰ পৰা প্ৰায় ১৬ বছৰ পূৰ্বে জয়সাগৰস্থিত শঙ্কৰ মাধৱ হাইস্কুলৰ শিক্ষক হিছাপে নিযুক্তি লাভ কৰাৰ পিছৰে পৰাই নিষ্ঠাৰে সেৱা আগবঢ়াই অহাৰ ওপৰিও শিক্ষকগৰাকীয়ে অঞ্চলটোৰ দুখীয়া শিক্ষাৰ্থীসকলক বিনামূলীয়াকৈ শিক্ষাদান কৰি আহিছে। অঞ্চলটোত ইংৰাজীৰ শিক্ষকৰূপে শিক্ষাৰ্থীৰ মাজত জনপ্ৰিয় শিক্ষকজন অঞ্চলটোৰ সৰ্বজন সমাদৃত ব্যক্তি হিচাপে পৰিচিত হৈ আহিছে।
১৮৮৮ চনৰ ৫ ছেপ্টেম্বৰত জন্মগ্ৰহণ কৰা ড° সৰ্বপল্লী ৰাধাকৃষ্ণণৰ জন্মদিনটো অৰ্থাৎ আজিৰ দিনটো বিশেষভাৱে পালন কৰাৰ অৰ্থে ছাত্ৰ-ছাত্ৰী আৰু সহকৰ্মীসকলে প্ৰস্তাৱ আগবঢ়ায়। কিন্তু তেওঁ কয় যে তেওঁৰ জন্মদিনটো পৃথকে পৃথকে পালন কৰাৰ পৰিৱৰ্তে শিক্ষকসকলৰ অৱদানৰ সন্মানত পালন কৰিব লাগে। তেতিয়াৰ পৰাই ৫ ছেপ্টেম্বৰৰ আজিৰ দিনটো ভাৰতত শিক্ষক দিৱস হিচাপে পালন কৰিবলৈ আৰম্ভ কৰে।
উল্লেখ্য যে বিশ্ববৰেণ্য মহান ব্যক্তিত্বৰ অধিকাৰী ড° সৰ্বেপল্লী ৰাধাকৃষ্ণন এগৰাকী ভাৰতীয় শিক্ষাবিদ, দাৰ্শনিক আৰু ৰাজনীতিবিদ আছিল। তেওঁ ভাৰতৰ প্ৰথম উপ-ৰাষ্ট্ৰপতি আৰু দ্বিতীয় ৰাষ্ট্ৰপতি হিচাপে কাৰ্যনিৰ্বাহ কৰিছি
