অসম চৰকাৰে ‘মাতৃ-পিতৃ বন্দনা’ৰ বাবে ঘোষণা কৰিলে বিশেষ ছুটীৰ দিন। (Holidays for state employees) এই ছুটী ৰাজ্যিক কৰ্মচাৰীয়ে চলিত বৰ্ষৰ নৱেম্বৰ মাহত লব পাৰিব। ১৪ আৰু ১৫ নৱেম্বৰত চৰকাৰী কৰ্মচাৰীয়ে লাভ কৰিব ‘মাতৃ-পিতৃ বন্দনা’ৰ বিশেষ ছুটী। ১৬ নৱেম্বৰ দেওবাৰ হোৱা বাবে একেৰাহে ৩ দিনৰ বন্ধ পাব চৰকাৰী কৰ্মচাৰীয়ে। ‘মাতৃ-পিতৃ বন্দনা’ৰ বিশেষ ছুটীৰ বাবে প’ৰ্টেলৰ জৰিয়তে আবেদন কৰিব লাগিব কৰ্মচাৰীয়ে।
https://matripitrivandana.assam.gov.in.ত কৰিব পাৰিব আবেদন। পিতৃ-মাতৃৰ লগত সময় অতিবাহিত কৰাৰ উদ্দেশ্য ৰাজ্যিক কৰ্মচাৰীসকলৰ বাবে ৰাজ্য চৰকাৰে বিশেষ ছুটিৰ ব্যৱস্থা কৰিছিল । ২০২২ বৰ্ষৰ পৰা আৰম্ভ হোৱা মাতৃ-পিতৃ বন্দনা আঁচনিৰ বাবে ৰাজ্যিক কৰ্মচাৰীক বিশেষ ছুটী প্ৰদান কৰা হৈছে।
‘মাতৃ-পিতৃ বন্দনা’ শীৰ্ষক এই আঁচনিৰ যোগেদি ৰাজ্যিক কৰ্মচাৰীসকলে লাভ কৰি আহিছে বিশেষ নৈমিত্তিক ছুটী।
