প্ৰাণৰ শিল্পী জুবিন (Sapekhati News) গাৰ্গৰ স্মৃতি চিৰযুগমীয়া কৰি ৰখাৰ বাবে অসমৰ প্ৰান্তে-প্ৰান্তে অগণন চিত্ৰশিল্পীয়ে প্ৰাণৰ শিল্পী জুবিন গাৰ্গৰ চিত্ৰ অংকন কৰিছে।পিছ পৰি ৰোৱা নাই চৰাইদেউ জিলাৰ ঘোঁৰাজান বাসী। পবিত্ৰ ৰাস মহোৎসৱৰ এই দিনটোতে অনুষ্ঠানৰ লগত সংগতি ৰাখি সাপেখাতী নতুন উচ্চ মাধ্যমিক বিদ্যালয়ৰ প্ৰধান শিক্ষক তথা স্থায়ী ৰাস মঞ্চৰ সভাপতি দীপক কুমাৰ দাসৰ তত্বাৱধানত বিদ্যালয়ৰ দেৱালত ভাৰতৰত্ন ড° ভূপেন হাজৰিকাক আৰু সূৰ্যকণ্ঠ জুবিন গাৰ্গৰ প্ৰতিচ্ছবি অংকন কৰাই আজি দুয়োগৰাকী বৰেণ্য শিল্পীৰ প্ৰতিচ্ছবি উন্মোচন কৰি সমাজ সেৱক গোবিন্দ মহাপুৰুষীয়া আৰু বিবেকা হাজৰিকাই শ্ৰদ্ধাঞ্জলি জ্ঞাপন কৰি দুয়োজনা শিল্পীক স্মৰণ কৰে। লগতে জুবিন গাৰ্গৰ আদর্শক শ্ৰদ্ধা জনাই সমাজ সেৱক তিলক দাস আৰু বলোৰাম চেতিয়াই একোটাকৈ নাহৰ পুলি ৰোপন কৰে।
