আজি শংকৰদেৱ (Anna Sewa Din) কলাক্ষেত্ৰত উদ্বোধন কৰা হ’ব ‘অন্ন সেৱা দিন’ আঁচনি। মুখ্যমন্ত্ৰী হিমন্ত বিশ্ব শৰ্মাই উদ্বোধন কৰিব এই আঁচনিখন। আজিৰে পৰা ১৯ তাৰিখলৈ সুলভ মূল্যৰ দোকানৰ পৰা হিতাধিকাৰীয়ে আনিব পাৰিব সামগ্ৰীসমূহ। ‘অন্ন সেৱা দিন’ আঁচনিত কি কি সামগ্ৰী লাভ কৰিব জানেনে-
১১৭ টকাত পাব ১ কেজিকৈ দাইল, চেনি আৰু নিমখ। ৰেচন কার্ড থকা হিতাধিকাৰীয়ে লাভ কৰিব এই সুবিধা। প্ৰতিমাহৰ ১-১০ তাৰিখলৈ সুলভ মূল্যৰ দোকানত পাব সামগ্রী সূমহ।
সামাজিক মাধ্যমত মুখ্যমন্ত্ৰী হিমন্ত বিশ্ব শৰ্মাই কয় যে আমাৰ চৰকাৰ সমাজৰ প্ৰতিটো স্তৰৰ লোকৰ বাবে সমানে দায়বদ্ধ৷ আজিৰ পৰা আমি আৰম্ভ কৰিছোঁ ‘বিশেষ অন্ন সেৱা দিন’৷ ইয়াৰ জৰিয়তে আমাৰ ৰাজ্যৰ লাখ লাখ হিতাধিকাৰী উপকৃত হ’ব৷ আজিৰ পৰা আৰম্ভ হোৱা এই বিশেষ দিনটি ১৯ নৱেম্বৰত সামৰণি পৰিব৷
আপোনালোকক কথা দিয়া ধৰণেই ৰেচন কাৰ্ডধাৰকসকলে আজিৰ পৰা মচুৰ দালি, চেনি আৰু নিমখ ৰাজসাহায্যযুক্ত দামত লাভ কৰিব পাৰিব৷ আমি বিশ্বাসী খাদ্য সুৰক্ষাৰ পৰা পৰিপুষ্টি নিশ্চিতলৈ এই পদক্ষেপে সকলোকে লাভান্বিত কৰিব৷
