কলিয়াবৰ ক্ৰিকেট সন্থাৰ উদ্যোগত, কলিয়াবৰ জিলা ক্ৰীড়া সন্থাৰ সহযোগত ডা: টি. আও ষ্টেডিয়ামত চলি থকা প্ৰিমিয়াৰ ক্লাৱ চেম্পিয়নশ্বিপৰ অষ্টম সংস্কৰণত ফ্ৰেণ্ডশ্বিপ ক্লাবৰ বিপক্ষে প্ৰথম ইনিংছৰ ৫৯ ৰাণৰ অগ্ৰগতিৰে চেম্পিয়নৰ খিতাপ দখল কৰে। দুদিনীয়াকৈ টেষ্ট মেট্চ আৰ্হিত অনুষ্ঠিত ফাইনেলৰ দ্বিতীয় দিনা পুৱা ফ্ৰেণ্ডশ্বিপ ক্লাবে ইনিংছ মুকলি কৰি ১০৩ ৰাণত প্ৰথম ইনিংছ সামৰে।
বাকী থকা উইকেটটো দখল কৰি অৰুণোদয়ৰ বেদান্ত বিজয় শইকীয়াই মুঠ ছটা উইকেট দখল কৰে। অৰুণোদয় সঙ্ঘই দ্বিতীয় ইনিংছ মুকলি কৰি বেদান্ত বিজয় শইকীয়াৰ ৯৩ আৰু সীমান্ত ৰয়ৰ ৬৮ ৰাণৰ সহায়ত ৫টা উইকেট হেৰুৱাই ১৮৪ ৰাণ সংগ্ৰহ কৰি ইনিংছ ঘোষণা কৰে। ফ্ৰেণ্ডশ্বিপ ক্লাবে ২৪৩ ৰাণৰ বিশাল লক্ষ্য আগত লৈ দ্বিতীয় ইনিংছত প্ৰথম দিনৰ সামৰণি সময়লৈকে ৯টা উইকেট হেৰুৱাই ১৩৭ ৰাণ সংগ্ৰহ কৰে।
ফ্ৰেণ্ডশ্বিপ ক্লাবৰ শঙ্কুমণি বৰুৱা (৫১)ৰ বাহিৰে কোনো এজন বেটাৰ সফল নহ’ল। অৰুণোদয়ৰ হৈ বেদান্ত বিজয় শইকীয়াই দ্বিতীয় ইনিংছতো ৪টা উইকেট দখল কৰি ফাইনেল মেট্চৰ দুয়োটা ইনিংছত মুঠ দহটা উইকেট দখল কৰাৰ লগতে দ্বিতীয় ইনিংছত ৯৩ ৰাণসহ মুঠ ১২১ ৰাণ সংগ্ৰহ কৰে। দলৰ বিজয়ত গুৰুত্বপূৰ্ণ ভূমিকা লোৱা বেদান্তক ফাইনেল মেট্চৰ প্লেয়াৰ অৱ ডা মেট্চ ঘোষণা কৰা হয়।
অৰুণোদয়ৰ ব’লাৰ আৰিফুল ইছলামক শ্ৰেষ্ঠ ব’লাৰৰ লগতে ম’ষ্ট ভেলুৱেব’ল প্লেয়াৰ অৱ ডা শ্বেম্পিয়নশ্বিপ ঘোষণা কৰা হয়। লগতে অৰুণোদয়ৰ পল্লৱ সেনক শ্ৰেষ্ঠ বেটাৰ আৰু সীমান্ত ৰয়ৰ শ্ৰেষ্ঠ ফিল্ডাৰ হিচাপে ঘোষণা কৰা হয়। জিলা পৰ্যায়ৰ এই চেম্পিয়নশ্বিপত তৃতীয়বাৰলৈ খিতাপ দখল কৰা অৰুণোদয় সঙ্ঘই ডেৰ লাখ টকা লাভ কৰাৰ লগতে মণ্ডল পৰ্যায়ৰ প্ৰতিযোগিতালৈ নিৰ্বাচিত হয়। আৰু বিজিত দল ফ্ৰেণ্ডশ্বিপ ক্লাবে একলাখ টকাৰ লাভ কৰিব।
খেলৰ শেষত বঁটা বিতৰণী অনুষ্ঠানত অসম ক্ৰিকেট সন্থাৰ পৰ্যৱেক্ষক নাচিৰ গুলখান, কলিয়াবৰ জিলা ক্ৰীড়া সন্থাৰ কাৰ্যকৰী সভাপতি, কলিয়াবৰ ক্ৰিকেট সন্থাৰ সভাপতিকে ধৰি বহুকেইজন ক্ৰীড়া সংগঠক উপস্থিত থাকে।
