আগন্তুক অসম বিধানসভা (Dhing) নিৰ্বাচনৰ দিন যিমানেই ওচৰ চাপি আহিছে সিমানেই নগাঁও জিলাৰ নৱগঠিত ৫৫ নং ধিং বিধানসভা সমষ্টিত ৰাজনৈতিক তৎপৰতাই তীব্ৰ ৰূপ লৈছে।
২০০৬ চনৰ পৰা এআইইউডিএফৰ দখলত থকা সংখ্যালঘু অধ্যুষিত এই সমষ্টিটোত এইবাৰ সকলো ৰাজনৈতিক দলৰ মাজত প্ৰাৰ্থীত্ব প্ৰত্যাশীৰ ভিৰ লক্ষ্য কৰা গৈছে।
কংগ্ৰেছ দলত পুৰুষ-মহিলা মিলাই সৰ্বাধিক ২৭ গৰাকীয়ে প্ৰাৰ্থীত্বৰ বাবে আবেদন জমা দিছে, যাৰ ভিতৰত বহু পৰিচিত ৰাজনৈতিক মুখ আছে। বিজেপি, অসম গণ পৰিষদ আৰু এ আই ইউ ডি এফ দলতো একাধিক সম্ভাৱ্য প্ৰাৰ্থীৰ নাম চৰ্চাত থকাৰ বিপৰীতে ৰাইজৰ দলত কেৱল মাত্ৰ এগৰাকীহে প্ৰাৰ্থীক লৈ আলোচনা চলিছে।
বানপানী, গৰাখহনীয়া আৰু যাতায়ত ব্যৱস্থাৰ দুৰ্বলতা এই সমষ্টিটোৰ মূল সমস্যা হিচাপে ভোটাৰৰ মাজত উত্থাপিত হৈছে।
প্ৰায় ২.২০ লাখ ভোটাৰ থকা এই সমষ্টিটোত মহিলা আৰু যুৱ প্ৰাৰ্থীৰ সংখ্যা বৃদ্ধি পোৱাত নিৰ্বাচনী যুঁজ এইবাৰ অধিক আকৰ্ষণীয় হ’ব বুলি ৰাজনৈতিক সচেতন মহলে ধাৰণা কৰিছে।
আনহাতে কংগ্ৰেছৰ সাম্ভাব্য প্ৰাৰ্থী তালিকাঃ
মন্দিয়া- আব্দুল খালেক
নিউ গুৱাহাটী- শান্তনু বৰা/নৱ তালুকদাৰ
ধিং- আব্দুল ছামাদ চৌধুৰী
নদুৱাৰ- পাৰ্থ প্ৰতীম বৰা
লখিমপুৰ- ঘন বুঢ়াগোহাঁই/ৰাণী নৰহ
কলিয়াবৰ- মেঘনাথ চেত্ৰী
ছিপাঝাৰ- বিনন্দ শইকীয়া
নলবাৰী- অশোক শৰ্মা
ৰঙিয়া- প্ৰাণজিৎ চৌধুৰী
হাজো- নন্দিতা দাস
নাওবৈচা- জে পি দাস
মাৰ্ঘেৰিটা- প্ৰতীক বৰদলৈ
ৰূপহীহাট- নুৰুল হুদা
দিছপুৰ- মীৰা বৰঠাকুৰ
পাকা বেতবাৰী- জাকিৰ হুছেইন শিকদাৰ
