মঙলবাৰে (BJP) বিত্তমন্ত্ৰী অজন্তা নেওগে বিধানসভাত পূৰ্ণাংগ বাজেটৰ সলনি সদনত চাৰি মাহৰ বাবে উত্থাপন কৰে ২০২৬-২৭ বৰ্ষৰ লেখানুদান৷ মঙলবাৰে অসমৰ বিত্তমন্ত্ৰী অজন্তা নেওগে ২০২৬-২৭ বিত্তীয় বৰ্ষৰ বাবে ৬২,২৯৪.৭৮ কোটি টকাৰ এখন অন্তৰ্ৱৰ্তীকালীন বাজেট বিধানসভাত উত্থাপন কৰে৷ নিৰ্বাচনৰ পূৰ্বে তেওঁৰ এই শেষৰখন বাজেট ভাষণত নেওগে উল্লেখ কৰে যে ভাৰতীয় ৰিজাৰ্ভ বেংকৰ তথ্য অনুসৰি বৰ্তমান সময়ত অসম ভাৰতৰ আটাইতকৈ দ্ৰুতগতিত বিকাশশীল ৰাজ্য হিচাপে পৰিগণিত হৈছে৷ সম্পূৰ্ণ বাজেটখন পাছ হোৱালৈকে চৰকাৰী কাম-কাজসমূহ সূচাৰুৰূপে চলাই নিবৰ বাবে বিত্তমন্ত্ৰীগৰাকীয়ে ২০২৬-২৭ বিত্তীয় বৰ্ষৰ প্ৰথম কেইমাহমানৰ বাবে মুঠ ৬২,২৯,৪৭৮.৩০ লাখ টকাৰ এক ভোট অন একাউণ্টৰ প্ৰস্তাৱ আগবঢ়ায়৷ ৩৩ পৃষ্ঠাৰ বাজেট ভাষণত বিত্তমন্ত্ৰী অজন্তা নেওগে ভৱিষ্যদ্বাণী কৰে যে অসম ২০২৮ চনৰ ভিতৰত ১০ লাখ কোটি টকাৰ অৰ্থনীতিৰ ৰাজ্যত পৰিণত হোৱাৰ দিশত অগ্ৰসৰ হৈছে৷ ৰাজ্য চৰকাৰে ইয়াৰ বাবে পূৰ্বে ২০৩০ চনৰ লক্ষ্য নিৰ্ধাৰণ কৰিছিল যদিও এতিয়া নিৰ্ধাৰিত সময়তকৈ দুবছৰ পূৰ্বেই এই সফলতা অৰ্জন কৰাটো সম্ভৱ হ’ব বুলি তেওঁ আশা প্ৰকাশ কৰে৷
লগতে তেওঁ জানিবলৈ দিয়ে যে ২০১৯-২০ বিত্তীয় বৰ্ষৰ পৰা ২০২৪-২৫ বিত্তীয় বৰ্ষৰ ভিতৰত অসমৰ মুঠ ৰাজ্যিক ঘৰুৱা উৎপাদন ৪৫ শতাংশ বৃদ্ধি পাইছে৷ উল্লেখযোগ্য যে একেটা সময়ছোৱাত দেশৰ ৰাষ্ট্ৰীয় বিকাশৰ হাৰ আছিল ২৯ শতাংশ, যাৰ তুলনাত অসমৰ অগ্ৰগতি যথেষ্ট উৎসাহজনক৷ সাধাৰণ ৰাইজৰ আৰ্থিক অৱস্থাৰ উন্নতিৰ বিষয়ে উল্লেখ কৰি বিত্তমন্ত্ৰীগৰাকীয়ে কয় যে যোৱা পাঁচ বছৰত ৰাজ্যখনৰ জনমূৰি আয় দুগুণতকৈও অধিক বৃদ্ধি পাইছে৷ ২০২০-২১ বৰ্ষত ৰাজ্যৰ জনমূৰি আয় আছিল ৮৬,৯৪৭ টকা আৰু ই ২০২৫-২৬ বৰ্ষত ১,৮৫,৪২৯ টকালৈ বৃদ্ধি পাইছে৷ এই ১১৩ শতাংশ বৃদ্ধিয়ে ৰাজ্যখনৰ সৰ্বাংগীণ অৰ্থনৈতিক উন্নয়নৰ এক উজ্জ্বল ছবি দাঙি ধৰিছে বুলি তেওঁ ভাষণত উল্লেখ কৰে৷ সোমবাৰৰ পৰা আৰম্ভ হোৱা অসম বিধানসভাৰ অন্তিম অধিৱেশনৰ মঙলবাৰে দ্বিতীয় দিন৷ মঙলবাৰে পূৰ্ণাংগ বাজেটৰ সলনি সদনত বিত্তমন্ত্ৰী অজন্তা নেওগে চাৰি মাহৰ বাবে উত্থাপন কৰে ২০২৬-২৭ বৰ্ষৰ লেখানুদান৷ অসম চৰকাৰে ২০২৬-২৭ বিত্তীয় বৰ্ষৰ প্ৰাৰম্ভিক মাহবোৰৰ বাবে ৬২,২৯৪.৭৮ কোটি টকাৰ অসম বাজেট [লেখানুদান] দাখিল কৰে৷ বিধানসভাত অন্তৰ্ৱৰ্তীকালীন বাজেট দাখিল কৰি বিত্তমন্ত্ৰী অজন্তা নেওগে কয়, ‘২০২০-২১ত জনমূৰি আয় আছিল ৮৬,৯৪৭ টকা ৷ ২০২৫-চ্ছ বৰ্ষত জনমূৰি আয় হৈছে ৰ,৮৫,৪২৯ টকা৷ পাঁচ বছৰত ৰাজ্যৰ জনমূৰি আয় ১১৩ শতাংশ বৃদ্ধি হৈছে৷ দেশৰ ভিতৰত দ্ৰুতগতিত বৃদ্ধি হৈছে জনমূৰি আয়৷ বিগত প্ত বছৰত দুগুণ হৈছে ৰাজ্যৰ জনমূৰি আয়৷ অসমে প্ৰগতিৰ ইঞ্জিন হিচাপে আত্মপ্ৰকাশ কৰিছে৷ ২০২৮ চনৰ ভিতৰত অসম ১০ লাখ কোটি টকাৰ অৰ্থনীতিলৈ পৰিণত হ’ব৷ ২০১৫-১৬ বৰ্ষৰ পৰা জ্জ্বগুণ মূলধনী ব্যয় বৃদ্ধি, ২০১৯-২০ বৰ্ষৰ পৰা ২০২৪-২৫ বৰ্ষলৈ জি এছ ডি পিত ৪৫ শতাংশ বৃদ্ধি, ২০২৪-২৫ বৰ্ষত ৮৫ শতাংশ বাজেট ব্যৱহাৰ আদিৰে অসম দ্ৰুততম বিকশিত অৰ্থনীতি হিচাপে পৰিগণিত হৈছে ৷
জনমুখী বাজেটেৰে এই বিকাশক ত্বৰান্বিত গতিৰ ধাৰাবাহিকতা প্ৰদান কৰিবলৈ আমি সংকল্পবদ্ধ৷’ বিত্তমন্ত্ৰীয়ে কয়, ‘বিশ্ব অৰ্থনীতি প্ৰতিকূল পৰিস্থিতিৰ সন্মুখীন হোৱাৰ সময়তে অসমে ভাৰতৰ প্ৰগতিৰ ইঞ্জিন হিচাপে আত্মপ্ৰকাশ কৰিছে৷ ভাৰতীয় ৰিজাৰ্ভ বেংকৰ শেহতীয়া মূল্যায়ন অনুসৰি অসম ভাৰতৰ ভিতৰতে দ্ৰুততম বিকাশশীল ৰাজ্য হিচাপে পৰিগণিত হৈছে৷ স্থিৰ মূল্যৰ হিচাবত ৰাজ্যখনৰ মুঠ ৰাজ্যিক ঘৰুৱা উৎপাদন ২০১৯-২০ বিত্তীয় বৰ্ষৰ পৰা ২০২৪-২৫ বিত্তীয় বৰ্ষৰ সময়ছোৱাত ৪৫ শতাংশ বৃদ্ধি পায়৷ এই বৃদ্ধিৰ হাৰ ৰাষ্ট্ৰীয় গড় ২৯ শতাংশৰ তুলনাত যথেষ্ট বেছি৷ বৰ্তমানৰ মূল্য অনুসৰি আমাৰ মুঠ ৰাজ্যিক ঘৰুৱা উৎপাদন [জি এছ ডি পি] ২০২১-২২ বিত্তীয় বৰ্ষত চ্ছ্ৰ,১০,৭২৪ কোটিৰ পৰা ১৭ শতাংশতকৈ অধিক উৎসাহজনক বৃদ্ধিৰ হাৰ প্ৰতিফলিত কৰি ২০২৫-চ্ছ বিত্তীয় বৰ্ষত জ্জ,৪৫,২৯৩ কোটিলৈ বৃদ্ধি হ’ব বুলি অনুমান কৰা হৈছে ৷’ তেওঁ লগতে কয়, ‘অসমৰ অৰ্থনৈতিক জৰীপে ২০২৬-২৭ বিত্তীয় বৰ্ষৰ বাবে ১৬.৯৩ শতাংশ বৃদ্ধিৰ হাৰ প্ৰক্ষেপ কৰিছে আৰু ৰাজ্যিক ঘৰুৱা উৎপাদন জ্জ্ব,৭১,৪৫১ কোটি টকা হ’ব বুলি অনুমান কৰা হৈছে৷ এই বৃদ্ধিৰ গতিবেগ বৰ্তাই ৰাখি ২০৩০ চনৰ ভিতৰত ৰাজ্যখন দহ লাখ কোটি টকাৰ অৰ্থনীতিলৈ পৰিণত কৰাৰ বাবে দিয়া আমাৰ প্ৰতিশ্ৰুতিতকৈ বহু আগবাঢ়ি ২০২৮ চনৰ ভিতৰতে এই লক্ষ্যত উপনীত হোৱাৰ সম্ভাৱনা দেখা গৈছে৷’ বিত্তমন্ত্ৰীয়ে আৰু কয়, ‘আন্তঃগাঁথনি উন্নয়নৰ ক্ষেত্ৰত অসম মালাৰ অধীনত ৭৬৭ কিলোমিটাৰ পথ আৰু ৩৫৬ কিলোমিটাৰ ৰাষ্ট্ৰীয় ঘাইপথ নিৰ্মাণ কৰা হৈছে৷ ধবজাবাহী আঁচনিসমূহৰ অধীনত চ্ছ্ৰ,১৭৬ কিলোমিটাৰ পথ সম্পূৰ্ণ কৰা হৈছে৷ ৬,৯১৭ কিলোমিটাৰ পথ নিৰ্মীয়মাণ হৈ আছে৷ ২০২১ চনৰ পৰা এতিয়ালৈ ২১,৭০০ কিলোমিটাৰ পথ আৰু ৰ,৩৩৯খন দলং নিৰ্মাণ কৰা হৈছে৷ ব্ৰহ্মপুত্ৰৰ ওপৰত জ্জ্বখন সেতু নিৰ্মাণ সম্পূৰ্ণ হৈছে আৰু চ্ছ্ৰখন নিৰ্মীয়মাণ অৱস্থাত আছে৷’
