সামাজিক মাধ্যম ফেচবুকত মুখ্যমন্ত্ৰীক প্ৰত্যাহ্বান জনাই সমালোচনাত্মক মন্তব্য প্ৰদান কৰি তেজপুৰত গ্ৰেপ্তাৰ হৈছে এজন অৱসৰপ্ৰাপ্ত শিক্ষক৷ সামাজিক মাধ্যমৰ অপব্যৱহাৰ কৰি মুখ্যমন্ত্ৰীক কঠোৰ ভাষাৰে কৰা সমালোচনাৰ বাবে বাপ্পা ঘোষ যুৱকজনে দাখিল কৰা এজাহাৰৰ ভিত্তিতেই নিশা তেজপুৰ আৰক্ষীয়ে গ্ৰেপ্তাৰ কৰে ৬৭ বছৰীয়া শ্বেখ চাহাব উদ্দিন নামৰ অৱসৰপ্ৰাপ্ত শিক্ষকজনক৷
পৰোৱাস্হিত বাসগৃহৰ পৰা নিশা প্ৰায় এক বজাত আটক কৰে আৰক্ষীয়ে৷ সম্প্ৰতি তেজপুৰ সদৰ আৰক্ষী থানাত ৰখা হৈছে ধৃত চাহাব উদ্দিনক৷ তেজপুৰ আৰক্ষীয়ে ইতিমধ্যে গোচৰ পঞ্জীয়ন কৰি জেৰা অব্যাহত ৰাখিছে৷ বিয়লিলৈ তেজপুৰ আদালতত হাজিৰ কৰা হ’ব বুলি আৰক্ষী সূত্ৰে জানিব পৰা গৈছে৷
বিভিন্ন সময়ত চৰকাৰৰ লগতে মুখ্যমন্ত্ৰীক সমালোচনা কৰি সামাজিক মাধ্যমত সোচ্চাৰ হৈ পৰিছিল শ্বেখ চাহাব উদ্দিন৷
কালিৰ দিনটোত মুখ্যমন্ত্ৰীক তীব্ৰ কটাক্ষ কৰি প্ৰত্যাহ্বান জনাইছিল এই গৰাকী অৱসৰপ্ৰাপ্ত শিক্ষকে৷
