ইণ্ডিয়ান পেনচাক চিলাট ফেডাৰশ্ব্যনৰ উদ্যোগত আৰু গুজৰাট পেন্চাক চিলাট এছ’চিয়েশ্বনৰ সহযোগত ৩০ মাৰ্চৰ পৰা ১ এপ্ৰিল তাৰিখলৈকে গুজৰাটস্থিত যোগ পুৰুষ স্পৰ্ট্ছ কম্প্লেক্স ইণ্ড’ৰ ষ্টেডিয়ামত সৰ্বভাৰতীয় পৰ্য্যায়ত তিনিদিনিয়াকৈ অনুষ্ঠিত হোৱা আস্মিতা খল’ ইণ্ডিয়া ছিনিয়’ৰ পেন্চাক চিলাট লীগ্:২০২৬ ত অসমে দুটা সোণৰ, এটা ৰূপৰ আৰু দুটা ব্ৰঞ্জৰ পদকেৰে মুঠ পাঁচটা পদক অৰ্জন কৰি ৰাজ্যখনক উজ্জ্বলাই তুলিছে। দেশৰ ২৯খন ৰাজ্যৰ প্ৰায় ৭০০ গৰাকী খেলুৱৈয়ে অংশগ্ৰহণ কৰা উক্ত প্ৰতিযোগীতাখনত অসমৰ ১০ গৰাকী খেলুৱৈয়ে ৰাজ্যখনক প্ৰতিনিধিত্ব কৰে। অসম দলটিৰ নেতৃত্ব দিয়ে পেনচাক চিলাট সন্থাৰ সহকাৰী সাধাৰণ সম্পাদক মাষ্টাৰ স্বপন দৈমাৰী আৰু ৰাষ্ট্ৰীয় বিচাৰক তথা প্ৰশিক্ষক মাষ্টাৰ ঔম চন্দ্ৰ চেত্ৰীয়ে।
উল্লেখ্য যে মাষ্টাৰ ঔম চন্দ্ৰ চেত্ৰীয়ে বিচাৰকৰূপে প্ৰতিযোগীতাখনত দায়িত্বভাৰ লাভ কৰি ৰাজ্যলৈ গৌৰৱ কঢ়িয়াই আনে। ৰাজখনৰহৈ ধেমাজী জিলাৰ হেমী মেদক আৰু ৰাজশ্ৰী বৰাই সোনৰ পদক, পূবালী চুতিয়া আৰু দীপশিখা গগৈয়ে ব্ৰঞ্জৰ পদক, শোণিতপুৰ জিলাৰ প্ৰগতি মহন্তই ৰূপৰ পদক লাভ কৰিবলৈ সক্ষম হয়। গুজৰাটৰ পৰা গৃহাভিমুখী হোৱা অসম দলটি ৬ এপ্ৰিল তাৰিখে গুৱাহাটী আহি পাবহি বুলি অসম পেন্চাক চিলাট সন্থাৰ সাধাৰন সম্পাদক লক্ষ্যজিত দলে জানিবলৈ দিয়ে।
