ৰাজনৈতিক অভিযোগ-প্ৰতিঅভিযোগৰ মাজতেই অসমৰ মুখ্যমন্ত্ৰী“দুবছৰে বুকুত জুই লৈ আছো” — কংগ্ৰেছ আৰু সংবাদমাধ্যমৰ একাংশৰ বিৰুদ্ধে সৰৱ মুখ্যমন্ত্ৰী Himanta Biswa Sarma-ই এইবাৰ এনডিএই ১০০ খন আসন লাভ কৰাৰ দৃঢ় দাবী কৰিছে। সোমবাৰে Tezpur বিধানসভা সমষ্টিত অনুষ্ঠিত এক বিশাল ৰোড শ্ব’ত অংশগ্ৰহণ কৰি তেওঁ এই মন্তব্য কৰে।
অসম গণ পৰিষদ আৰু ভাৰতীয় জনতা পাৰ্টীৰ উমৈহতীয়া প্ৰাৰ্থী Prithviraj Rabha-ৰ সমৰ্থনত আয়োজিত এই ৰোড শ্ব’ত মুখ্যমন্ত্ৰীয়ে কংগ্ৰেছৰ লগতে একাংশ সংবাদমাধ্যমৰ মালিক গোষ্ঠীৰ বিৰুদ্ধে তীব্ৰ সমালোচনা কৰে।
ইয়াৰ পূৰ্বে বৰছলা আৰু ঢেকীয়াজুলি সমষ্টিত অনুষ্ঠিত নিৰ্বাচনী সভাত অংশগ্ৰহণ কৰাৰ পিছত সন্ধিয়া প্ৰায় ৬ বজাত তেজপুৰৰ আদালত চাৰিআলিৰ পৰা ৰোড শ্ব’ আৰম্ভ হয়। প্ৰাৰ্থী পৃথ্বীৰাজ ৰাভা আৰু সাংসদ Ranjit Dutta-ক কাষত লৈ আৰম্ভ কৰা এই সমদল চক বজাৰ, চিভিল চাৰিআলি, মাধৱ ধাম, মহাভৈৰৱ মন্দিৰ আদি স্থান অতিক্ৰম কৰি ধনুৱা নগৰলৈ প্ৰায় ২ কিলোমিটাৰ পথ আগবঢ়ে।
হাজাৰ হাজাৰ সমৰ্থকৰ উপস্থিতিত উৎসৱমুখৰ পৰিৱেশৰ মাজতে মুখ্যমন্ত্ৰীক উষ্ম আদৰণি জনোৱা হয়। বিজেপি আৰু অগপৰ নিৰ্বাচনী গীতৰ তালে তালে সমৰ্থকসকলে নাচি-বাগি পৰিৱেশ উজ্জ্বল কৰি তোলে।
“পৃথ্বীৰাজ ৰাভাই ৩৫ হাজাৰ ভোটত জিকিব”
ৰোড শ্ব’ত ভাষণ প্ৰদান কৰি মুখ্যমন্ত্ৰীয়ে কয় যে এইবাৰ এনডিএই ১০০ খন আসন লাভ কৰিব আৰু তেজপুৰত Prithviraj Rabha-ই ৩৫ হাজাৰ ভোটৰ ব্যৱধানত জয়লাভ কৰিব। লগতে তেওঁ উত্তৰ অসমৰ একাধিক সমষ্টিত এনডিএৰ জয় নিশ্চিত বুলি দাবী কৰে।
কংগ্ৰেছ আৰু সংবাদমাধ্যমৰ বিৰুদ্ধে তীব্ৰ সমালোচনা
মুখ্যমন্ত্ৰীৰ পত্নী Riniki Bhuyan Sarma-ৰ সম্পত্তি আৰু বিদেশী পাছপ’ৰ্ট সন্দৰ্ভত উত্থাপিত প্ৰশ্নৰ প্ৰতিক্ৰিয়াত মুখ্যমন্ত্ৰীয়ে Gaurav Gogoi, Pawan Khera আৰু একাংশ সংবাদমাধ্যমৰ বিৰুদ্ধে ষড়যন্ত্ৰৰ অভিযোগ তোলে।
তেওঁ কয় যে ভুৱা নথিপত্ৰ প্ৰস্তুত কৰি বিভ্ৰান্তি সৃষ্টি কৰা হৈছে আৰু সময়ত সকলো সত্য পোহৰলৈ আহিব। “যদি প্ৰকৃত নথি থাকে, তেন্তে তদন্তৰ জৰিয়তে সকলো স্পষ্ট হ’ব,” বুলি উল্লেখ কৰে মুখ্যমন্ত্ৰীয়ে।
“দুবছৰে বুকুত জুই লৈ আছো”
এই বিষয়ত গভীৰ অসন্তুষ্টি প্ৰকাশ কৰি মুখ্যমন্ত্ৰীয়ে কয়, “মই এনেই কথা নকওঁ, দুবছৰে বুকুত জুই লৈ আছো।” লগতে তেওঁ অভিযোগ কৰে যে এআই-জেনেৰেটেড তথ্যকো সত্য হিচাপে প্ৰচাৰ কৰা হৈছে, কিন্তু চৰকাৰৰ স্পষ্টীকৰণ প্ৰচাৰ কৰা হোৱা নাই।
উন্নয়নমূলক কামক লৈও সমালোচনা
মুখ্যমন্ত্ৰীয়ে কয় যে ৰাজ্যত চলি থকা ছেমিকণ্ডাক্টৰ প্ৰকল্প, টানেল নিৰ্মাণ আৰু নতুন মেডিকেল কলেজ স্থাপন আদি উন্নয়নমূলক কামক লৈও বিৰোধীয়ে সমালোচনা কৰিছে। “মই মোৰ স্থিতিত অটল, উন্নয়ন অব্যাহত থাকিব,” বুলি স্পষ্ট কৰে তেওঁ।
ইফালে, এজন সাংবাদিকৰ ব্যক্তিগত প্ৰশ্নত ক্ষোভ প্ৰকাশ কৰি মুখ্যমন্ত্ৰীয়ে কয় যে একাংশই ৰাজনৈতিকভাৱে মোক প্ৰতিহত কৰিব নোৱাৰি ব্যক্তিগত বিষয়ত আক্ৰমণ কৰিছে।
