Airtel-এয়াৰটেলে গ্ৰাহকসকলৰ বাবে উৎকৃষ্ট আৰু অধিক স্থিৰ নেটৱৰ্ক অভিজ্ঞতা প্ৰদানৰ লক্ষ্যৰে মুকলি কৰিছে নতুন ‘প্ৰায়ৰিটি প’ষ্টপেইড’ সেৱা। 5G নেটৱৰ্ক শ্লাইচিং প্ৰযুক্তিৰ সহায়ত আৰম্ভ কৰা এই বিশেষ সেৱাই প’ষ্টপেইড গ্ৰাহকসকলক উন্নত সেৱাৰ মান আৰু নিৰৱচ্ছিন্ন সংযোগ প্ৰদান কৰিব বুলি কোম্পানীটোৱে জানিবলৈ দিছে।
১৯ মে’, ২০২৬ত ঘোষণা কৰা এই নতুন ব্যৱস্থাটো বিশেষকৈ সেইসকল ব্যস্ত গ্ৰাহকৰ বাবে ডিজাইন কৰা হৈছে যিসকলে কাম-কাজ, অনলাইন সহযোগিতা বা মনোৰঞ্জনৰ বাবে নিৰৱচ্ছিন্ন ইণ্টাৰনেট সংযোগৰ ওপৰত নিৰ্ভৰশীল।
এই সেৱাৰ অংশ হিচাপে এয়াৰটেলে ইয়াৰ 5G নেটৱৰ্ক উন্নীত কৰি নেটৱৰ্ক শ্লাইচিং প্ৰযুক্তি সংযোজন কৰিছে। এই উন্নত প্ৰযুক্তিয়ে নেটৱৰ্ক অধিক দক্ষ কৰি তোলাৰ লগতে অধিক ক্ষমতা সৃষ্টি কৰে আৰু অগ্ৰাধিকাৰ গ্ৰাহকসকলৰ বাবে সেই ক্ষমতা বুদ্ধিমত্তাৰে ব্যৱহাৰ কৰাৰ সুবিধা দিয়ে। ফলস্বৰূপে, ভিৰ বেছি থকা স্থানতো গ্ৰাহকসকলে অধিক স্থিৰ আৰু নিৰ্ভৰযোগ্য নেটৱৰ্ক অভিজ্ঞতা লাভ কৰিব।
বিশ্বৰ বহু দেশ যেনে আমেৰিকা যুক্তৰাষ্ট্ৰ, ছিংগাপুৰ, ইউনাইটেড কিংডম আৰু মালয়েছিয়াত ইতিমধ্যে শ্লাইচিং আধাৰিত 5G সেৱা আৰম্ভ হৈছে। ভাৰতত এয়াৰটেলৰ এই আৰম্ভণিক স্মাৰ্ট আৰু ভৱিষ্যত-সাজু ডিজিটেল নেটৱৰ্ক গঢ়ি তোলাৰ এক গুৰুত্বপূৰ্ণ পদক্ষেপ হিচাপে ধৰা হৈছে।
এই উপলক্ষে মন্তব্য কৰি Shashwat Sharma-ই কয়, “এয়াৰটেলত আমাৰ লক্ষ্য হৈছে গ্ৰাহকসকলৰ অভিজ্ঞতা বৃদ্ধি কৰা অৰ্থপূৰ্ণ উদ্ভাৱন আগবঢ়োৱা। 5G শ্লাইচিং প্ৰযুক্তিৰে চালিত ‘প্ৰায়ৰিটি প’ষ্টপেইড’ আমাৰ শেহতীয়া উদ্ভাৱন। ইয়াৰ জৰিয়তে গ্ৰাহকসকলে অধিক নিৰ্ভৰযোগ্য আৰু উন্নত সংযোগ লাভ কৰিব।”
তেওঁ লগতে কয় যে ভিৰৰ মাজতো ক্লায়েণ্ট কল, লাইভ ষ্ট্ৰীমিং অথবা কেব বুকিঙৰ দৰে কাৰ্যত গ্ৰাহকসকলে উন্নত অভিজ্ঞতা লাভ কৰিব।
এয়াৰটেলৰ এই প্ৰায়ৰিটি সেৱা সকলো প’ষ্টপেইড প্লেনত উপলব্ধ হ’ব। বৰ্তমানৰ গ্ৰাহকসকলে স্বয়ংক্ৰিয়ভাৱে সুবিধাটো লাভ কৰিব। আনহাতে, প্ৰিপেইড গ্ৰাহকসকলেও সহজে এয়াৰটেল এপ অথবা যিকোনো এয়াৰটেল ষ্ট’ৰৰ জৰিয়তে এই সুবিধালৈ সলনি হ’ব পাৰিব।
এয়াৰটেল প্ৰায়ৰিটি প’ষ্টপেইড প্লেনসমূহঃ
- ৪৪৯ টকা + GST (ব্যক্তিগত প্লেন)
সীমাহীন ডাটা আৰু কলিং, 3000 এছএমএছ, ফাষ্টলেন 5G, স্পেম সতৰ্কতা, Airtel Xstream Play, Adobe Express প্ৰিমিয়াম আৰু 100GB ক্লাউড সংৰক্ষণ। - ৬৯৯ টকা + GST (২ জনীয়া পৰিয়াল প্লেন)
ওপৰৰ সকলো সুবিধাৰ লগতে Amazon Prime আৰু JioHotstar। - ৯৯৯ টকা + GST (৩ জনীয়া পৰিয়াল প্লেন)
ওপৰৰ সুবিধাৰ লগতে Apple TV+ আৰু Apple Music। - ১১৯৯ টকা + GST (৪ জনীয়া পৰিয়াল প্লেন)
- ১৭৪৯ টকা + GST (৫ জনীয়া পৰিয়াল প্লেন)
ওপৰৰ সকলো সুবিধাৰ লগতে Netflix।
উল্লেখ্য যে, গ্ৰাহকসকলে শেহতীয়া ছফ্টৱেৰ আপডেট থকা যিকোনো 5G SA সক্ষম স্মাৰ্টফোনত এই সেৱা উপভোগ কৰিব পাৰিব। ফোনত যদি কোনো আপডেট বাকী থাকে, তেন্তে ছেটিংছ অংশত তাৰ জাননী দেখা যাব। এয়াৰটেল এপৰ জৰিয়তে গ্ৰাহকসকলে তেওঁলোকৰ ফোন এই সেৱাৰ বাবে প্ৰস্তুত নে নহয় সেয়াও পৰীক্ষা কৰিব পাৰিব।
