বিজনী মহাবিদ্যালয়লৈ Platinum Sustainable Campus বঁটা। ভাৰতবৰ্ষৰ সৰ্বমুঠ ৩২১ খন শিক্ষানুষ্ঠানৰ ভিতৰত ৪৬ নম্বৰ স্থান লাভ কৰাৰ লগতে উত্তৰ-পূৰ্বাঞ্চলৰ ভিতৰত প্ৰথম স্থান দখল কৰিবলৈ সক্ষম হৈছে বিজনী মহাবিদ্যালয়।
বিজনী মহাবিদ্যালয়ৰ সভাকক্ষত আয়োজিত এক সংবাদমেলৰ জৰিয়তে এই কথা ঘোষণা কৰিলে বিজনী মহাবিদ্যালয়ৰ অধ্যক্ষ ড° বীৰহাসগিৰি বসুমতাৰীয়ে।
বিজনী মহাবিদ্যালয়ৰ ৰাষ্ট্ৰীয় সেৱা আঁচনি গোটৰ উদ্যোগত আৰু Resarch Height Foundation and Environment Protection Training & Research institute(EPTRI)ৰ সহযোগত মহাবিদ্যালয় খনত ২২ এপ্ৰিলৰ পৰা ২৯ এপ্ৰিললৈ অনুষ্ঠিত হোৱা “পৃথিৱী সপ্তাহ” উপলক্ষে আয়োজিত Bharat Environment Programme– “A Bharat Sustainable Campus Misson 2026″ত সমগ্ৰ ভাৰতবৰ বিভিন্ন শিক্ষানুষ্ঠান মহাবিদ্যালয়, বিশ্ববিদ্যালয় সমূহৰ লগত বিভিন্ন কাৰ্যসূচী ৰূপায়ণ কৰা হয়।
এই প্ৰতিষ্ঠানটিয়ে ৰাষ্ট্ৰীয় পৰ্যায়ত শিক্ষানুষ্ঠান সমূহৰ পৰিবেশ সম্পৰ্কীয় কাৰ্যব্যৱস্থা তথা আভ্যন্তৰীণ পৰিবহণ সুৰক্ষিত ব্যৱস্থাপনা সমূহৰ তথ্যভিত্তিক ডাটা সংগ্ৰহ কৰি তিনিটা পৰ্যায়ত এই স্বীকৃতি প্ৰদান কৰিছে। সেইমৰ্মে বিজনী মহাবিদ্যালয়ে Platinum Sustainable Campus Award লাভ কৰিবলৈ সক্ষম হৈছে।
এইক্ষেত্ৰত অহা পহিলা জুন তাৰিখে Hyderabad Global Peace Auditorium ত ৰাষ্ট্ৰীয় পৰ্যায়ত এই বঁটা আৰু মানপত্ৰ প্ৰদান কৰিব বুলি জানিব দিয়ে বিজনী মহাবিদ্যালয়ৰ অধ্যক্ষ ড° বীৰহাসগিৰি বসুমতাৰীয়ে।
সংবাদমেলত অধ্যক্ষ গৰাকীৰ উপৰিও উপাধ্যক্ষ সবিতা ৰায়, আভ্যন্তৰীণ মান নিৰূপক কোষৰ আহ্বায়ক ড৹ বাবুল বসুমতাৰী, ৰাষ্ট্ৰীয় সেৱা আঁচনি গোটৰ বিষয়া ড৹ শেৱালী পাঠকসহ মহাবিদ্যালয়খনৰ অধ্যাপক- অধ্যাপিকাসকল উপস্থিত থাকে।
