ডিব্ৰুগড় বিশ্ববিদ্যালয়ক অভিযোগ- বিতৰ্কই যেন লগ নেৰিব! সেয়াই হৈছে। শেহতীয়াকৈ ডিব্ৰুগড় বিশ্ববিদ্যালয়ৰ দূৰশিক্ষা পাঠ্যক্ৰমত অথন্তৰ ঘটা বুলি অভিযোগ উত্থাপিত হৈছে। বিগত বৰ্ষৰ পৰাই দূৰশিক্ষা পাঠ্যক্ৰমত কেটবোৰ ব্যাপক খেলি- মেলিৰে পৰিচালিত হৈ অহাৰ কথা পোহৰলৈ আহিছিল। পূৰ্বে দূৰশিক্ষা পাঠ্যক্ৰমৰ স্নাতকোত্তৰ শাখাত বিভিন্ন ফলাফল প্ৰদানত বিলম্ব হৈছিল আৰু ফলাফল আসোঁৱাহপূৰ্ণ হোৱাৰ পৰিপ্ৰেক্ষিতত ছাত্ৰ ছাত্ৰী সকল ক্ষোভিত হৈছিল। ছাত্ৰ ছাত্ৰী সকলে ডিব্ৰুগড় বিশ্ববিদ্যালয়ৰ দূৰ শিক্ষা পাঠ্যক্ৰমৰ ফলাফলত সন্তুষ্ট নহৈ বহু ছাত্ৰ ছাত্ৰীয়ে নিজৰ নিজৰ ফলাফল পুনৰ নিৰীক্ষণৰ বাবে প্ৰেৰণ কৰে যদিও নিৰ্দিষ্ট সময়ত প্ৰদান নকৰিলে। ফলত ছাত্ৰ ছাত্ৰী সকলে পুনৰ পৰীক্ষাত অৱতীৰ্ণ হয়। পৰীক্ষাত অৱতীৰ্ণ হোৱাৰ পিছত পুনৰ ৰহস্যজনক ভাবে পুনৰীক্ষণৰ ফলাফল ঘোষনা কৰে। য’ত বহু ছাত্ৰ ছাত্ৰী উত্তীৰ্ণ হয়। ডিব্ৰুগড় বিশ্ববিদ্যালয়ৰ দূৰ শিক্ষা সঞ্চালকালয়ৰ ব্যাপক খেলি মেলিৰ বাবেই পুনৰীক্ষণত উত্তীৰ্ণ ছাত্ৰ ছাত্ৰী সকলে পুনৰ পৰীক্ষা দিব লগা হয় আৰু মাচুল ভৰিব লগা হয়। ইফালে, কিছুদিনৰ পূৰ্বে ডিব্ৰুগড় বিশ্ববিদ্যালয়ৰ দূৰ শিক্ষা সঞ্চালকালয়ে ঘোষণা কৰা “প্ৰিভিয়াছ একজামিনেচন” (বেকলগ) ফেব্ৰুৱাৰীত অনুষ্ঠিত কৰা পৰীক্ষাৰ ফলাফলত কেইবাখনো মহাবিদ্যালয়ত থকা কেন্দ্ৰৰ ফলাফল ছাত্ৰ ছাত্ৰী সকলে লাভ নকৰিলে। তিনিচুকীয়া জিলাত থকা তিনিচুকীয়া বাণিজ্য মহাবিদ্যালয় কেন্দ্ৰ, চিটি কলেজ কেন্দ্ৰৰ পৰীক্ষাৰ্থী সকলে ফলাফল লাভ নকৰা বুলি জানিব পৰা গৈছে। গতিকে ছাত্ৰ ছাত্ৰী সকলৰ মাজত হাঁহাকাৰ সৃষ্টি হৈছে। কি খেলিমেলিৰ বাবে অথবা কি ৰহস্যজনক কাৰণত এই কেন্দ্ৰৰ ছাত্ৰ ছাত্ৰী সকলৰ ফল ঘোষণা কৰা নহল সেয়া কেৱল ডিব্ৰুগড় বিশ্ববিদ্যালয়হে অৱগত। স্নাতকোত্তৰ চূড়ান্ত পৰীক্ষা দি আজৰি হোৱা ছাত্ৰ ছাত্ৰী সকলে এনেদৰে ফলাফল লাভ নকৰাত শংকিত হৈ পৰিছে। আনহাতে একাংশই ডিব্ৰুগড় বিশ্ববিদ্যালয়ে নিজৰ ভুল ঢাকিবলৈ উক্ত কেন্দ্ৰত পৰীক্ষাৰ্থী অনুতীৰ্ণ কৰোৱাৰহে পাং পাতিব বুলি গুৰুতৰ অভিযোগ উত্থাপিত হৈছে। অভিযোগমতে, ফলাফল ঘোষণা নকৰা কেন্দ্ৰত পৰীক্ষাৰ্থী অনুতীৰ্ণ হোৱাৰ বাবেই ঘোষণা কৰা হোৱা নাই বুলি মন্তব্য কৰাটোৱেই সম্ভাৱনা থকা বুলিহে একাংশই সন্দেহ প্ৰকাশ কৰিছে। ডিব্ৰুগড় বিশ্ববিদ্যালয়ৰ দূৰশিক্ষা সঞ্চালকালয়ৰ অকৰ্মণ্যতাৰ বাবেই বহু ছাত্ৰ ছাত্ৰীৰ জীৱন আৰু ভবিষ্যত অন্ধকাৰ হৈ পৰিছে। কিমান আৰু ছাত্ৰ ছাত্ৰীৰ জীৱনক লৈ হেতালি খেলিব ডিব্ৰুগড় বিশ্ববিদ্যালয়ে ? সেয়াই ৰাইজে প্ৰশ্ন উত্থাপন কৰিছে। সততে বিতৰ্কত সোমাই পৰা ডিব্ৰুগড় বিশ্ববিদ্যালয়ে বিষয়টোৰ সন্দৰ্ভত কি পদক্ষেপ গ্ৰহণ কৰে সেয়া লক্ষণীয় হব।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- সৰুবিহুৱতী প্ৰতিযোগিতাত ৭০ টা পুৰস্কাৰ বুটলিলে উৰিয়ামঘাটৰ বিদ্যাদিপ্তাই
- সৰৱ হৈ পৰিছে সদৌ অসম বাঙা‘লী যুৱ ছাত্ৰ ফেডাৰেচন আৰু সদৌ বি টি আৰ বাঙালী যুৱ ছাত্ৰ ফেডাৰেচনৰ কৰ্মকর্তা সকল…
- গৌৰীপুৰ বলাজনোত ভয়ংকৰ পথ দুৰ্ঘটনা ! ই-ৰিক্সা আৰু এখন ট্ৰাকৰ মাজত মুখামুখি সংঘৰ্ষ…
- বৰ্ণাঢ্য কাৰ্যসূচীৰে তিতাবৰৰ আদর্শ মহিমাবাৰী গাঁৱৰ সোণালী জয়ন্তী বৰ্ষ উদযাপন…
- প্ৰাক্তন প্ৰধানমন্ত্ৰী, ড° মনমোহন সিঙৰ লগতে কেইবাগৰাকী প্ৰাক্তন উপ-ৰাষ্ট্ৰপতি মন্ত্ৰীৰ নতুন দিল্লী সংসদীয় সমষ্টিৰ পৰা ঘৰতে ভোটদানৰ সুবিধা লাভ…
- চিইউইটি প্ৰৱেশ পৰীক্ষাত পৰীক্ষাৰ্থীৰ লগুণ খুলিবলৈ বাধ্য কৰা ভৱানীপুৰ আঞ্চলিক মহাবিদ্যালয়ৰ অধ্যক্ষৰ বিৰুদ্ধে এজাহাৰ দাখিল…
- ভাৰতৰ বতৰ বিজ্ঞান বিভাগৰ সতৰ্কতা জাৰি…
- উদয়পুৰ-নাহৰণি গাঁৱত আধ্যাত্মিক আৰু পুৰাতনীয়া নিয়মেৰে গজাই পূজা উদযাপন…
- সাপটগ্ৰামত চাঞ্চল্য়কৰ ঘটনা…
- ডিমৌ আঞ্চলিক এমএমকেৰ যৌথ চতুৰ্থ ত্ৰি-বাৰ্ষিক অধিৱেশন সম্পন্ন…