মঙলদৈ
বহিঃ ৰাজ্যৰ পৰা আহি নিজ গৃহ জিলা দৰঙলৈ যোৱা ২৭ মে’ৰ পৰা ৫ জুনলৈ প্ৰৰ্যায়ক্ৰমে অহা ক’ভিড আক্ৰান্ত ১৪ গৰাকী লোকক আজি মঙলদৈ অসামৰিক চিকিৎসালয়ৰ পৰা অব্যাহতি দিয়া হয়। তেওঁলোকৰ শ্লেষৰ নমুনা সংগ্ৰহৰ পিছত নিম্ন উল্লেখিত লোককেইগৰাকীৰ দেহত ক’ভিড-১৯ ৰ উপস্থিতি ধৰা পৰিছিল। কিন্তু চিকাৎসালয় খনত কৰা চিকিৎসাৰ অন্তত তেওঁলোক বৰ্তমান সুস্থ হৈ উঠাত আজি সন্ধিয়া তেওঁলোকক চিকিৎসালয়ৰ পৰা অব্যাহতি দিয়া হয়। অব্যাহতি দিয়া ৰোগী সকল হ’ল ক্ৰমে – খাৰুপেটীয়া আৰিমাৰীৰ আমিৰুল ইছলাম (১৭), ৩ নং বৰুৱাঝাৰৰ নজৰুল ইছলাম (২১), আটাকাটাৰ শ্বেখ ফৰিদ (২৫), লালপুলৰ চিকন্দৰ আলী (২১), ৩ নং চিকনমাটিৰ বাৰেক আলী (২৮), ধূলা গৰাপৰিৰ লোকমান হাকিম (২০), দলগাঁও বড়িগাঁৱৰ চাজিকুল হক (২২), ছিপাঝাৰ শান্তিপুখুৰীৰ হিমাংশু শৰ্মা (২৯), ৩ নং আৰিমাৰীৰ ৰফিকুল ইছলাম (৪০), দলগাঁও বৰগুলিৰ চহিদুল হক (১৯), ছিপাঝাৰ গোমঠাপাৰাৰ দয়াৰাম দাস (৪৯), খাৰুপেটীয়া মণ্ডলপাৰাৰ ওচমান গণি, নামখলা আঠিয়াবাৰীৰ ৰূপম বৰ্মন (২০) আৰু দলগাঁৱৰ হামিদ আলী (২২)। দৰং জিলাত মুঠ ৭৩ গৰাকী ক’ভিড পজিটিভ ৰোগী আছিল আৰু বৰ্তমান ৫৯ গৰাকী চিকিৎসাধীন হৈ আছে।