ডিব্ৰুগড় মোহনবাৰী বিমানবন্দৰ সম্প্ৰসাৰণৰ বাবে মিৰিপথাৰ চাহ শ্ৰমিকে ভোগদখল কৰি থকা ১৭৫ বিঘা ভূমি অধিগ্ৰহণ কৰাৰ প্ৰতিবাদত আজি অসম চাহ মজদুৰ সংঘ আৰু অসম চাহ জনজাতি ছাত্ৰ সন্থা(আটছা)ৰ । ডিব্ৰুগড় শাখা উদ্যোগত ডিব্ৰুগড় জিলা উপায়ুক্ত কাৰ্যলয়ত দুঘণ্টা ধৰ্ণা কাৰ্য্যসূচী ৰূপায়ন কৰে।মোহনবাৰী বিমান বন্দৰ সম্প্ৰসাৰণৰ দোহাই দি মনোহাৰী চাহ বাগিচাৰ শ্ৰমিকে ভোগদখল কৰি থকা মিৰিপথাৰ গ্ৰাণ্টৰ ১৬ নং এফ এচত ভূমি অধিগ্ৰহণ কৰাপ্ৰক্ৰিয়া সম্পূৰ্ণৰূপে বন্ধ কৰা।
মনোহাৰী চাহ বাগিচাৰ যিসকল শ্ৰমিকে দশক দশক ধৰি মিৰিপথাৰ গ্ৰাণ্টৰ ভূমি দখল কৰি আহিছে তেওঁলোকক ভূমি পট্টা প্ৰদান কৰা। মিৰিপথাৰ গ্ৰাণ্টৰ ১৬ নং এফ এচৰ ৫৫০ বিঘাতকৈ অধিক ভূমি উচ্চ পৰ্যায়ৰ তদন্ত কৰি শীঘ্ৰেই চক্ৰ বিষয়া ওপৰত বিহিত ব্যৱস্থা গ্ৰহন কৰা।মনোহাৰী চাহ বাগিচাৰ মিৰিপথাৰ গ্ৰাণ্টৰ ১৬ নং এফ এচৰ ভূমিত ব্যক্তিগত ৰিজট খোলাক কাৰ্যত উচিত তদন্ত কৰি ৰিজটখন বন্ধ কৰা আদি দাবীসমূহ চৰকাৰে যদি মানি নলয় তেন্তে অনাগত দিনত অধিক গণতান্ত্ৰিক আন্দোলনৰ গঢ়ি তোলাৰ হুংকাৰ প্ৰদান কৰিছে আটছাই।