১০খন ৰাজ্যত পুনৰ বাঢ়িছে ক’ভিডত আক্ৰান্তৰ সংখ্যা।
২৪ ঘণ্টাত দেশত ৪,৫১৮ টা নতুন ক’ভিড সংক্ৰমণৰ ঘটনা।দেশত পুনৰ বাঢ়িছে ক’ভিডত আক্ৰান্তৰ সংখ্যা।কেৰালা,মহাৰাষ্ট্ৰ, তামিলনাডুকে ধৰি ১০খন ৰাজ্যত হঠাতে বাঢ়িছে ক’ভিড আক্ৰান্তৰ সংখ্যা।৩০ মে’ৰ পৰা ৫ জুনলৈ দেশত মুঠ ২৫,৩০০জন লোক ক’ভিডত আক্ৰান্ত হৈছিল।
কেন্দ্ৰীয় স্বাস্থ্য মন্ত্ৰালয়ে জনোৱা অনুসৰি যোৱা ২৪ ঘণ্টাত দেশত ৪,৫১৮ টা নতুন সংক্ৰমণৰ ঘটনা বৃদ্ধি পাইছে।কেৰালা আৰু মহাৰাষ্ট্ৰত সৰ্বাধিক লোক আক্ৰান্ত হৈছে।
দেওবাৰে দিল্লীত দৈনিক আক্ৰান্তৰ সংখ্যা ৩৪৩ জনলৈ বৃদ্ধি পাইছে।মহাৰাষ্ট্ৰৰ ৰাজ্য চৰকাৰৰ হৈ মন্ত্ৰী আদিত্য থাকৰে কয় যে ক’ভিডৰ চতুৰ্থ ঢৌ হয়তো আহিছে,কিন্তু আতংকিত হ’বলগীয়া একো নাই।স্বাস্থ্য মন্ত্ৰালয়ৰ মতে, ভাৰতে যোৱা ২৪ ঘণ্টাত ২,৭৮,০৫৯ টা ক’ভিড-১৯ পৰীক্ষা সম্পন্ন কৰিছে।
দেশজুৰি টিকাকৰণ অভিযানৰ অধীনত এতিয়ালৈকে ১৯৪.১২ কোটিতকৈও অধিক ভেকছিন পালি প্ৰদান কৰিছে।
