নাজিৰা : ৰাজ্যৰ নতুন প্ৰজন্মৰ কৰ্ম সংস্কৃতিৰ নতুন সংযোজন হিচাপে আজি নাজিৰা প্ৰেছ ক্লাবত নাজিৰাৰ এদল যুবকৰ অসমীহাট নামৰ এটি অনলাইন ৱেবছাইট মুকলি কৰা হয় ৷ কৰ্মসংস্কৃতিৰ প্ৰতি ধাউতি নাই বুলি প্ৰচাৰিত ধাৰণা ভুল প্ৰমাণিত নাজিৰাৰ ছজনীয়া এটি দলে অনলাইনৰ জৰিয়তে বিভিন্ন সামগ্ৰী তথা কিতাপপত্ৰ ঘৰে ঘৰে দিব পৰাকৈ আৰম্ভ কৰা অসমীহাট আজি নাজিৰা প্ৰেছ ক্লাবত শুভউদ্ধোধন কৰে নাজিৰা প্ৰেছ ক্লাবৰ সভাপতি ,জ্যেষ্ঠ সাংবাদিক বুলু চেতিয়াই ৷ অনুজ ৰাজখোৱাৰ সভাপতিত্বত অনুষ্ঠিত সভাত আছুৰ শিৱসাগৰ জিলাৰ সভাপতি অসীম দত্ত ,নাজিৰা জিলা সাংবাদিক সন্হাৰ সম্পাদক অনন্ত কলিতা ,মুক্ত সাংবাদিক সন্হা নাজিৰাৰ সম্পাদক দিলীপ হাজৰিকা ,শিমলুগুৰি প্ৰেছ গীল্ডৰ সভাপতি মিন্টু চিত্ৰকৰকে ধৰি বহু বিশিষ্ট ব্যক্তি উপস্থিত থাকে ৷ নাজিৰাৰ কৃষ্ণজ্যোতি চুতীয়া ,শ্যামলজ্যোতি গগৈ ,শৰত গগৈ ,উজ্জ্বল গগৈ আৰু ধ্ৰুৱজ্যোতি কলিতাই আগভাগ লোৱা এই অসমীহাট ৱেবছাইটৰ জৰিয়তে বহুত যুবক উপকৃত হব পাৰিব বুলি আশা কৰিব পাৰি ৷
