YouTube য়ে কয় যে, “গৰ্ভপাত সম্বন্ধীয় ভূল তথ্য প্ৰচাৰ কৰা ভিডিঅ’ সমূহে সমাজত বিৰূপ প্ৰভাৱ পেলাইছে। চিকিত্সা প্ৰক্ৰিয়াৰ বিষয়ে ভুল তথ্যৰ প্ৰচাৰ কৰাৰ উপৰিও গৰ্ভপাতৰ বিষয়ে মিছা আৰু অসুৰক্ষিত নিয়ম-নীতি থকা বিভ্ৰান্তিকৰ ভিডিঅ’বোৰ আগন্তুক কেইসপ্তাহমানৰ ভিতৰতে আঁতৰোৱা আৰম্ভ কৰা হ’ব।”
আমেৰিকা যুক্তৰাষ্ট্ৰৰ উচ্চতম ন্যায়ালয়ে ৫০ বছৰীয়া পুৰণি গৰ্ভপাতৰ সাংবিধানিক অধিকাৰ প্ৰত্যাহাৰ কৰাৰ পিছতেই YouTube য়ে এই সিদ্ধান্ত গ্ৰহণ কৰে। উল্লেখ্য যে, আমেৰিকা যুক্তৰাষ্ট্ৰৰ কমেও ৯ খন ৰাজ্যই গৰ্ভপাত নিষিদ্ধ কৰাৰ লগতে, কিছুদিনৰ ভিতৰতে আমেৰিকা যুক্তৰাষ্ট্ৰৰ আন কেইখন ৰাজ্যতো গৰ্ভপাত নিষিদ্ধ ঘোষণা কৰা হ’ব।
ভূল তথ্য দিয়া ভিডিঅ’ক লৈ কঠোৰ হোৱা দেখা গৈছে YouTube কৰ্তৃপক্ষ। গৰ্ভপাত সম্বন্ধিয় ভূল তথ্য দিয়া ভিডিঅ’বোৰৰ বিষয়ে YouTube কৰ্তৃপক্ষই সতৰ্ক বাণী প্ৰদান কৰা দেখা গৈছে।
