উৰিয়ামঘাট আদৰ্শ চিকিৎসালয়ত সৰুপথাৰৰ বিধায়ক বিশ্বজিত ফুকনৰ চাডেন ভিজিট ৷ চুটী নোলোৱাকৈ চিকিৎসালয়খনৰ দায়িত্বতত থকা চিকিৎসক ডাঃ ধ্ৰুৱজ্যোতি শইকীয়াক ফোনযোগে ধমক বিধায়কৰ ৷ অতিশীঘ্ৰে চিকিৎসালয়ত উপস্থিত হোৱাৰ নিৰ্দেশ চিকিৎসকগৰাকীৰ ৷ কৰ্তব্যত গাফিলতি কৰা চিকিৎসকৰ বিৰুদ্ধে FIR দিয়াৰ কথা সংবাদমাধ্যমৰ আগত প্ৰকাশ কৰিলে বিধায়কে৷ উল্লেখযোগ্য যে, উৰিয়ামঘাট আদৰ্শ চিকিৎসালয় দীৰ্ঘদিন ধৰি চিকিৎসকৰ লগতে চিকিৎসাকৰ্মী উপস্থিত নথকা অভিযোগ উঠিছিল ৷ চিকিৎসা ব্যৱস্থা উন্নত কৰাৰ দাবীত বহুবাৰ প্ৰতিবাদো হৈছিল ৷
দীৰ্ঘদিনীয়া প্ৰতিবাদৰ পিচত আজি হঠাতে বিধায়কজনে চিকিৎসালয়ত প্ৰৱেশ কৰাত সমগ্ৰ বিষয়টো স্পষ্ট হৈ পৰে ৷বিধায়কৰ সৈতে ধনশিৰিৰ মহকুমাধিপতি, চুতীয়া ছাত্ৰ সন্থাৰ প্ৰতিনিধিও উপস্থিত থাকে৷ ইয়াৰ পূৰ্বে ONGC ৰ প্ৰতিনিধিৰ সৈতে সৰুপথাৰ মহাবিদ্যালয় পৰিদৰ্শন কৰে বিধায়কজনে ৷ উল্লেখযোগ্য যে কিছুদিন পূৰ্বে ONGC ৰ বিৰুদ্ধে চুতীয়া ছাত্ৰ সন্থাই চলোৱা প্ৰতিবাদত ONGC য়ে ধনশিৰি মহকুমাৰ অগ্ৰণী উচ্চশিক্ষানুষ্ঠান সৰুপথাৰ মহাবিদ্যালয়লৈ অনুদান আগবঢ়োৱাৰ আশ্বাস প্ৰদান কৰিছিল ৷ সেই দাবীৰ পৰিপ্ৰেক্ষিততে আজি ONGC কৰ্তৃপক্ষই সৰুপথাৰ মহাবিদ্যালয় পৰিদৰ্শন কৰে৷
