বুধবাৰে নিশা ভাৰতীয় ক্ৰিকেট দলটো অষ্ট্ৰেলিয়ালৈ ৰাওনা হয়। ২২ অক্টোবৰৰ পৰা আৰম্ভ হ’ব এইবাৰৰ টি-২০ বিশ্বকাপ। ২৩ অক্টোবৰত প্ৰথমখন খেলত পাকিস্তানৰ বিৰুদ্ধে খেলিব ভাৰতে।
ভাৰতীয় দলৰ টি-২০ বিশ্বকাপৰ কভাৰ আহি পৰিল। বুধবাৰে নিশা ভাৰতীয় ক্ৰিকেট দলটো অষ্ট্ৰেলিয়ালৈ ৰাওনা হয়। ২২ অক্টোবৰৰ পৰা আৰম্ভ হ’ব এইবাৰৰ টি-২০ বিশ্বকাপ। ২৩ অক্টোবৰত প্ৰথমখন খেলত পাকিস্তানৰ বিৰুদ্ধে খেলিব ভাৰতে। ৰোহিত শৰ্মা, বিৰাট কোহলীয়ে বুধবাৰে নিশা মুম্বাইৰ পৰা অষ্ট্ৰেলিয়া অভিমুখে বিমানত উঠিছিল। যোৱাৰ পূৰ্বে কোহলী, সূৰ্যকুমাৰ যাদৱ, আৰাশদীপ সিঙে ছ’চিয়েল মিডিয়াত ছবি প্ৰকাশ কৰিছিল। ভাৰতীয় ক্ৰিকেট ব’ৰ্ডে সমগ্ৰ দলটোৰ ছবি পোষ্ট কৰে। বিচিচিআইয়েও প্ৰেকটিছ ভিডিঅ’ পোষ্ট কৰে।
বিশ্বকাপ আৰম্ভ হোৱাৰ দুসপ্তাহ পূৰ্বে ৰোহিত, কোহলীয়ে অষ্ট্ৰেলিয়ালৈ ৰাওনা হয়। অষ্ট্ৰেলিয়াৰ পৰিৱেশৰ লগত খাপ খুৱাবলৈ ইমান সোনকালে সেই দেশলৈ গুচি গৈছে ৰোহিত। বিশেষকৈ ভাৰতীয় দলৰ বহুতৰে অষ্ট্ৰেলিয়াত খেলাৰ অভিজ্ঞতা নাই। সেইবাবেই ভাৰতীয় ব’ৰ্ডে এই সিদ্ধান্ত লৈছে। ভাৰতে অতিৰিক্ত প্ৰস্তুতিৰ মেচও খেলিব।
ভাৰতীয় দলটোৱে ১৩ অক্টোবৰলৈ অনুশীলন কৰাৰ কথা আছে। তাত পশ্চিম অষ্ট্ৰেলিয়াৰ বিৰুদ্ধে ৱাৰ্ম আপ মেচ খেলিব কোহলীয়ে। ভাৰতীয় দলৰ প্ৰশিক্ষক ৰাহুল দ্ৰাবিড়ৰ উদ্যোগত ভাৰতীয় ক্ৰিকেট ব’ৰ্ডে এই খেলৰ ব্যৱস্থা কৰিছে। ইয়াৰ পিছত ৰোহিত যাব ব্রিজবেনলৈ৷ তাত ভাৰতীয় দলটোৱে অষ্ট্ৰেলিয়া আৰু নিউজিলেণ্ডৰ বিৰুদ্ধে দুখন ৱাৰ্ম আপ মেচ খেলিব। আই চি চিয়ে এই দুখন মেচৰ ব্যৱস্থা কৰিছে। বিশ্বকাপত অংশগ্ৰহণ কৰা সকলো দলৰ বাবে আইচিচিয়ে দুখন ৱাৰ্ম আপ মেচৰ ব্যৱস্থা কৰিছে।
ভাৰতৰ বিশ্বকাপ দলত থকা সকলক যদি আমি ষ্টেণ্ড-বাই হিচাপে লওঁ, তেন্তে মুঠ পাঁচজন ক্ৰিকেটাৰৰ অষ্ট্ৰেলিয়াত খেলাৰ অভিজ্ঞতা নাই। ২০০৯ চনত অনূৰ্ধ্ব ১৯ দলৰ হৈ এবাৰ অষ্ট্ৰেলিয়া ভ্ৰমণ কৰিছিল সূৰ্য্যকুমাৰ যাদৱ আৰু হৰ্ষল পেটেলে। ২০১৩ চনত ১৯ বছৰ অনুৰ্ধ দলৰ হৈ অষ্ট্ৰেলিয়া ভ্ৰমণ কৰিছিল আৰ্শদীপ সিং আৰু দীপক হুডাই। ৰবি বিষ্ণোই কেতিয়াও অষ্ট্ৰেলিয়ালৈ যোৱা নাই। ফলত তেওঁলোকৰ বাবে এই প্ৰস্তুতি শিবিৰ আৰু মেচবোৰ অতি গুৰুত্বপূৰ্ণ।