নগাঁও : নগাঁও জিলাৰ ৩৬ নং ৰাষ্ট্ৰীয় ঘাই পথৰ মৰিকলং চাৰিআলিৰ পৰা পাৱাৰ হাউছ তিনিআলি হৈ কৃষ্ণা হল চাৰিআলি আৰু জয়শ্ৰী চিনেমা হলৰ ৩৭ নং ৰাষ্ট্ৰীয় ঘাই পথ সংযোগী মহাত্মা গান্ধী পথ এটা অতি গুৰুত্বপূৰ্ণ পথ ৷ গড়কাপ্তানি বিভাগৰ ৰাজ্যিক পথ সংমণ্ডলৰ অধীনস্থ নগাঁৱৰ এই পথটো বৰ্তমান ঠায়ে ঠায়ে বিধ্বস্ত ৰূপে তীব্ৰ সমস্যাৰ সৃষ্টি কৰিছে পথচাৰীসকলৰ ৷ পথচোৱাৰ মৰিকলং চাৰিআলিৰ গ্ৰামীণ বিকাশ বেংকৰ সন্মুখৰ পৰা আৰম্ভ কৰি একেলেথাৰিয়ে কেইবা ঠাইতো পথৰ বিধ্বস্ত ৰূপে বহু সময়ত পথচাৰীসকলক যমৰ-যাতনাত পেলাই আহিছে ৷ ৩৬ নং ৰাষ্ট্ৰীয় পথৰ পৰা মৰিকলং চাৰিআলি হৈ নগাঁও চহৰলৈ বুলি সোমোবা সদাব্যস্ত এই পথটোৰে বহুকেইখন বিদ্যালয়, কেইবাটাও ৰাজহুৱা মঠ-মন্দিৰ, কেইবাটাও চৰকাৰী বিভাগৰ জিলা কাৰ্যালয়, ব্যৱসায়িক প্ৰতিষ্ঠানৰ লগতে কেইবাটাও বেচৰকাৰী কাৰ্যালয় ওপৰি কেইবাখনো ব্যক্তিগত খণ্ডৰ চিকিৎসালয় আৰু ফাৰ্মাচীলৈ বুলি ৰোগী তথা নগাঁও ৰেল ষ্টেচনলৈ ৰেল ধৰিবলৈ বুলি বহু লোক আহ-যাহ কৰাৰ উপৰিও আই টি আই বজাৰ, পানীগাওঁ চাৰিআলি বজাৰ, কেইবাখনো চিকিৎসালয়, নাৰ্ছিং হোম, উদ্যোগিক প্ৰশিক্ষণ প্ৰতিষ্ঠান, নিয়োগ বিনিময় কেন্দ্ৰ আদিলৈ বুলি বহুলোকে যাত্ৰায়ত কৰে এই পথচোৱাৰে ৷ নগাঁও চহৰবাসীৰ এটি সদাব্যস্ত এই চিনাকী পথচোৱাৰ ঠায়ে ঠায়ে বৰ্তমান এক বিধ্বস্তৰূপে সকলো পথচাৰীকে জলাকলা খোৱাইছে ৷ একাংশ পথচাৰী তথা স্থানীয় ৰাইজে জানিব দিয়া অনুসৰি আজিৰ পৰা প্ৰায় পাঁচ মাহৰ পূৰ্বে গড়কাপ্তানি বিভাগৰ ঠিকাদাৰে অতি নিম্ন মানদণ্ডৰ সামগ্ৰী ব্যৱহাৰ কৰি পথচোবাৰ ঠায়ে ঠায়ে মেৰামতিৰ কাম হাতত লৈছিল যদিও কোনো অজ্ঞতা কাৰণত আজিকোপতি এই গুৰুত্বপূৰ্ণ পথটিৰ মেৰামতি সম্পূৰ্ণ কৰিব নোবাৰিলে দায়িত্বপ্ৰাপ্ত ঠিকাদাৰী প্ৰতিষ্ঠানে ৷ আজি পুনৰ পূৰ্বৰ অৱস্থাতে এক বিধ্বস্ত ৰূপ ধাৰণ কৰিছে এই পথচোবাই৷ যাৰ ফলত এজাক বৰষুণৰ ফলতেই একাঠু পানী জমা হোবাত এই পথটিৰ বাবে আজি ৰাইজ ভিশন সমস্যাৰ সন্মুখীন হ’ব লগাত পৰিছে ৷ বহু সময়ত স্থানীয় ৰাইজৰ লগতে পথচাৰীসকলে দায়িত্বপ্ৰাপ্ত বিভাগীয় কৰ্তৃপক্ষক পথটি উন্নত মানদণ্ডৰ সামগ্ৰীৰে নিৰ্মাণ কৰিবলৈ দাৱী জনাই আহিছে যদিও গড়কাপ্তানি ৰাজ্যিক পথ সংমণ্ডলৰ বিভাগীয় কৰ্তৃপক্ষৰ গাৰ নোম এডালো লৰাব পৰা নাই পথচাৰী ৰাইজৰ এই দাৱীয়ে ৷ এইক্ষেত্ৰত গড়কাপ্তানি বিভাগৰ ৰাজ্যিক পথ সংমণ্ডলৰ বিভাগীয় উদ্ধতন কৰ্তৃপক্ষক অতিশীঘ্ৰে পথচোবাৰ মেৰামতিৰ নিৰ্মাণ কৰি লগতে স্কুলীয়া ছাত্ৰ-ছাত্ৰী সকলৰ বাবে মুকলি কৰিবলৈ ৰাইজে তীব্ৰ দাৱী জনাইছে ৷
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- সৰুবিহুৱতী প্ৰতিযোগিতাত ৭০ টা পুৰস্কাৰ বুটলিলে উৰিয়ামঘাটৰ বিদ্যাদিপ্তাই
- সৰৱ হৈ পৰিছে সদৌ অসম বাঙা‘লী যুৱ ছাত্ৰ ফেডাৰেচন আৰু সদৌ বি টি আৰ বাঙালী যুৱ ছাত্ৰ ফেডাৰেচনৰ কৰ্মকর্তা সকল…
- গৌৰীপুৰ বলাজনোত ভয়ংকৰ পথ দুৰ্ঘটনা ! ই-ৰিক্সা আৰু এখন ট্ৰাকৰ মাজত মুখামুখি সংঘৰ্ষ…
- বৰ্ণাঢ্য কাৰ্যসূচীৰে তিতাবৰৰ আদর্শ মহিমাবাৰী গাঁৱৰ সোণালী জয়ন্তী বৰ্ষ উদযাপন…
- প্ৰাক্তন প্ৰধানমন্ত্ৰী, ড° মনমোহন সিঙৰ লগতে কেইবাগৰাকী প্ৰাক্তন উপ-ৰাষ্ট্ৰপতি মন্ত্ৰীৰ নতুন দিল্লী সংসদীয় সমষ্টিৰ পৰা ঘৰতে ভোটদানৰ সুবিধা লাভ…
- চিইউইটি প্ৰৱেশ পৰীক্ষাত পৰীক্ষাৰ্থীৰ লগুণ খুলিবলৈ বাধ্য কৰা ভৱানীপুৰ আঞ্চলিক মহাবিদ্যালয়ৰ অধ্যক্ষৰ বিৰুদ্ধে এজাহাৰ দাখিল…
- ভাৰতৰ বতৰ বিজ্ঞান বিভাগৰ সতৰ্কতা জাৰি…
- উদয়পুৰ-নাহৰণি গাঁৱত আধ্যাত্মিক আৰু পুৰাতনীয়া নিয়মেৰে গজাই পূজা উদযাপন…
- সাপটগ্ৰামত চাঞ্চল্য়কৰ ঘটনা…
- ডিমৌ আঞ্চলিক এমএমকেৰ যৌথ চতুৰ্থ ত্ৰি-বাৰ্ষিক অধিৱেশন সম্পন্ন…