ডবকা : হোজাই জিলাত দিনক দিনে কৰোনা আক্ৰান্ত ৰোগীৰ সংখ্যা উদ্বেগজনকভাৱে বৃদ্ধি পাবলৈ ধৰিছে। আজি ডবকা বিন্নাকান্দি উন্নয়ন খণ্ডৰ খণ্ড উন্নয়ন বিষয়া কৰোনাত আক্ৰান্ত হোৱাৰ লগতে ৬জন কৈ শিক্ষকৰ দেহত কভিড-১৯ পজিটিভ ধৰা পৰাৰ পিছতেই চাঞ্চল্যৰ সৃষ্টি কৰিছে। খণ্ড উন্নয়ন বিষয়া গৰাকীৰ নাম মইনুদ্দিন আহমেদ। কিছু দিনৰ পৰা জ্বৰত আক্ৰান্ত হৈ আছিল বিষয়া গৰাকী। শিক্ষক ছয়গৰাকীক ১০৮ সেৱা যোগে ডবকাৰ পৰা নীলবাগানত থকা কভিড চিকিৎসালয়ত ভৰ্তি কৰোৱাৰ লগতে খণ্ড উন্নয়ন বিষয়াক হোম আইচোলেচনত ৰাখি চিকিৎসা চলাই আছে বুলি জানিব পৰা গৈছে।
