নগাঁও : কিছুদিন পূৰ্বে গোৱালপাৰা জিলাত আধাৰ শিলা স্থাপন এক অনুষ্ঠানত এ আই ইউ ডি এফ প্ৰধান তথা ধুবুৰীৰ সাংসদ মৌলানা বদৰুদ্দিন আজমলে আৰৱী ভাষাৰ বেনাৰ সমৃদ্ধ আধাৰশিলা স্হাপন কৰিছিল। যাক লৈ সমগ্ৰ ৰাজ্যতে আজমলৰ বিৰুদ্ধে প্ৰতিবাদো সাব্যস্ত হৈছিল। আজমলৰ সেই কান্ডৰ বিৰুদ্ধে কালি সন্ধিয়া নগাঁও চহৰৰ ঘাইপথত অখিল ভাৰতীয় বিদ্যাৰ্থী পৰিষদে প্ৰতিবাদ সাব্যস্ত কৰি বদৰুদ্দিন আজমলৰ প্ৰতিকৃতি দাহ কৰে। আজমলৰ বিৰুদ্ধে বিভিন্ন শ্ল’গান দি পৰিৱেশ উত্তাল কৰি তোলে অখিল ভাৰতীয় বিদ্যাৰ্থী পৰিষদৰ নগাঁও জিলা সমিতিয়ে। প্ৰতিবাদ স্হলীৰ পৰাই সংগঠনটোৰ সদস্যই অসমৰ জাতীয় সংগঠন সমূহৰ লগতে বুদ্ধিজীৱী সকল এই ক্ষেত্ৰত নিমাত কিয় বুলিও প্ৰশ্ন উত্থাপন কৰে। কংগ্ৰেছ আৰু এ আই ইউ ডি এফৰ মিতিৰালিৰ আৰু বুজা বুজিৰ বাবেই কংগ্ৰেছও ইয়াক লৈ নিমাত বুলি মন্তব্য প্ৰদান কৰে।
