দৈনন্দিন বাৰ্তা সেৱাঃ ১৯৯৯ চনত ঝাৰখণ্ডত কয়লা কেলেংকাৰীত অভিযোগত আজি প্রাক্তন কেন্দ্ৰীয় মন্ত্ৰী দিলীপ ৰয়ক তিনি বছৰৰ বাবে কাৰাদণ্ডৰে দণ্ডিত কৰা হয়। দিলীপ ৰয়ৰ বাহিৰেও চিবিআইৰ বিশেষ আদালতে অন্য দুজন লোকক তিনিবছৰৰ বাবে কাৰাদণ্ড দিয়ে।
বিশেষ ন্যায়াধীশ ভাৰত পৰাশৰে দোষী সাব্যস্ত হোৱা সকলৰ বিৰুদ্ধে প্ৰত্যেকৰে ১০ লাখ টকাৰ জৰিমনা ঘোষণা কৰে। ১৯৯৯ চনত ঝাৰখণ্ডৰ গিৰিডিহস্থিত ব্ৰহ্মডিহা কয়লা ব্লকৰ চিটিএলৰ স’তে সম্পৰ্কিত ঘটনাত কেন্দ্ৰীয় মন্ত্ৰীজনৰ নাম সাঙুৰ খাইছিল।
