মাজবাটত ৰাষ্ট্ৰীয় মৌমাখি পালন আৰু মৌ অভিযানৰ অধীনত বৈজ্ঞানিক পদ্ধতিৰে জিলা পৰ্য্যায়ৰ কৰ্মশালা।
ওদালগুৰি জিলাৰ মাজবাটত ৰাষ্ট্ৰীয় মৌমাখি পালন আৰু মৌ অভিযানৰ অধীনত বৈজ্ঞানিক পদ্ধতিৰে জিলা পৰ্য্যায়ৰ কৰ্মশালা অনুষ্ঠিত হয়। মাজবাট বাপুজি প্ৰকল্প প্ৰাংগনত ১৪ আৰু ১৫ জুলাই দুদিনীয়া কাৰ্য্যসূচীৰে খাদ্য সংসাধন সঞ্চালকালয় অসম আৰু জিলা কৃষি বিভাগ আহ্বান মৰ্মে ভৈৰৱকুণ্ড এগ্ৰো প্ৰডোচাৰৰ উদ্যোগত বৈজ্ঞানিক পদ্ধতিৰে মৌমাখি পালনৰ জিলা পৰ্য্যায়ৰ দুদিনীয়া কৰ্মশালা অনুষ্ঠিত কৰা হয় বুলি ভৈৰৱকুণ্ড এগ্ৰো প্ৰডোচাৰৰ সঞ্চালক ভদ্রেশ্বৰ ডেকাই সংবাদমাধ্যক জানিবলৈ দিয়ে। উক্ত কৰ্মশালাৰ যোগেদি দৰিদ্ৰ খেতিয়কসকলে বৈজ্ঞানিক পদ্ধতিৰে মৌমাখি পালন কৰি স্বাৱলম্বী হ’ব বুলি জনাই আয়োজক সমিতিয়ে।
কৰ্মশালা খনিত বিশিষ্ট অতিথি হিচাপে উপস্থিত থাকে মাজবাটৰ স্থানীয় বিধায়ক চৰন বড়ো,এন বি এইচ এমৰ সহকাৰী নডেল বিষয়া দীপ গোস্বামী,সদৌ অসম আদিবাসী উন্নয়ন পৰিষদৰ অধ্যক্ষ অসীম হাজদা, সমল ব্যক্তি সকল ক্ৰমে বুটানি বিভাগ গুৱাহাটীৰ গজেন্দ্র চন্দ্র শৰ্মা, উদ্ভিদ সূৰক্ষা,কেভিকে ওদালগুৰিৰ হিমাদ্ৰী ৰাভাৰ লগতে লুইত ইডোকেশ্বনেল চাৰ্ভিচেচ প্ৰাইভেট লিমিটেডৰ কৰ্ম কৰ্তা, বিজেপিৰ পাঁচনৈ চেৰফাং মণ্ডলৰ সভাপতি জীৱন ডেকা, অৱসৰপ্ৰাপ্ত শিক্ষক ৰামকৰন গোঁড়,প্ৰেম বৰুৱা, ধৰ্মেশ্বৰ শৰ্মা, শৰৎ দাস উপস্থিত থাকে।
