অসমৰ অন্যতম সংগঠন “সূত্ৰধাৰ-কুটুম্ব সুৰক্ষা পৰিষদ”-এ বিগত বছৰ বৃন্দাবন (উত্তৰ প্ৰদেশ)ৰ পিছত এইবাৰ উজ্জেইন (মধ্য প্ৰদেশ)ত দুদিনীয়া কাৰ্যসূচীৰে আয়োজন কৰিব “সূত্ৰধাৰ ২০২৩” বিশেষ অনুষ্ঠান। আজি গুৱাহাটী প্ৰেছ ক্লাবত এক সংবাদ মেলত এই কথা প্ৰকাশ কৰে “সূত্ৰধাৰ – কুটুম্ব সুৰক্ষা পৰিষদ”ৰ সভাপতি সত্য ৰঞ্জন বৰাই ৷ মহাপুৰুষ শ্ৰীমন্ত শংকৰদেৱ গুৰুজনাৰ ৫৭৫ সংখ্যক জন্মোৎসৱৰ লগত সংহতি ৰাখি গুৰুজনাৰ চিন্তা আৰু দৰ্শনক ৰাষ্ট্ৰীয় পৰ্যায়ত প্ৰচাৰ-প্ৰসাৰ কৰাৰ লক্ষ্য আৰু উদ্দেশ্যৰে “সূত্ৰধাৰ – কুটুম্ব সুৰক্ষা পৰিষদ”ৰ বিশেষ কাৰ্যক্ৰম সূত্ৰধাৰ!! অহা ৮আৰু৯ আগষ্টত দুদিনীয়া কাৰ্যসূচীৰে মধ্যপ্ৰদেশৰ দৈৱিক ভূমি উজ্জেইনত এইবাৰ আয়োজন কৰা হ’ব এই বিশেষ— “সূত্ৰধাৰ” অনুষ্ঠান।
অসম আৰু মধ্য প্ৰদেশৰ ২০০ গৰাকী সাংস্কৃতিক শিল্পীৰ গীত-নৃত্য-নাট প্ৰদৰ্শনেৰে উদযাপন কৰা হব উক্ত কাৰ্য্যসুচী ৷ ২০ গৰাকী ৰাষ্ট্ৰীয় পৰ্যায়ৰ সমল ব্যক্তিৰ বক্তৃতা প্ৰদান।দ্বিতীয় দিনা উজ্জেইনৰ মহাকাললোকৰ পৰা শ্ৰীমন্ত শংকৰদেৱ গুৰুজনাৰ বৃহৎ প্ৰতিচ্ছবি সন্মূখত লৈ এক বৃহৎ সাংস্কৃতিক শোভাযাত্ৰা দ্বিতীয় দিনা ৯ আগষ্টত আয়োজন কৰাৰ কথাও পৰিষদে ঘোষণা কৰে ৷অনুষ্ঠানৰ দ্বিতীয় দিনা অসমৰ তিনিগৰাকী আৰু উত্তৰ প্ৰদেশৰ এগৰাকী বিশেষ ব্যক্তিক বিশেষ বঁটা প্ৰদান কৰাৰো ঘোষণা কৰে আজিৰ সংবাদ মেলত।
উক্ত বঁটা সমূহ ক্ৰমে:-
সূত্ৰধাৰ বঁটা:- শ্ৰীযুত হৰিপ্ৰসাদ হাজৰিকা
নগাঁও
প্ৰাক্তন প্ৰধান সম্পাদক
শ্ৰীমন্ত শংকৰদেৱ সংঘ৷
সংস্কৃতি সাধনা বঁটা:-
শ্ৰীযুত মুনীন বৰা
যোৰহাট দিহানাম-টোকাৰী গীত।
সমন্বয় সেতু বন্ধন বঁটা:-
যোগাচাৰ্য মহন্ত সুধাকৰ পুৰী জী (ৰটলাম, মালৱা ক্ষেত্ৰ, মধ্য প্ৰদেশ)৷
হিন্দু চেতনা বঁটা :-
বিশাল ৰয় (হিন্দু কিং বিশাল)
বঙাইগাঁও ৷
