নলবাৰী, ১৫ নৱেম্বৰ : নলবাৰী জিলাৰ ক্ষুদ্ৰ চেনিকুছিত অসম গণ পৰিষদৰ এখন কৰ্মী সভা অনুষ্ঠিত কৰা হয় । নলবাৰী সদৰ বিধান পৰিষদৰ চাৰিটা মণ্ডল পৰিষদৰ ভিতৰত অন্যতম খাতা বতাহগিলা মণ্ডল পৰিষদ গঠনৰ বাবে আজি ৩১ জনীয়া সমিতি এখন গঠন কৰা হয় । এই কৰ্মী সভাত অগপ দলৰ যুৱ নেতা দিলীপ কুমাৰ দাসে প্ৰকাশ কৰে যে আগন্তুক বিধান সভা নিৰ্ব্বাচনত নলবাৰী সদৰ বিধান পৰিষদত অসম গণ পৰিষদৰ জয় এশ শতাংশই নিশ্চিত । তদুপৰি আগন্তুক সময়ত অগপ দলত নলবাৰী সদৰ বিধান পৰিষদৰ প্ৰায় ১০ হেজাৰ লোকে যোগদান কৰাৰ যো-জা চলি থকা বুলি যুৱ নেতা গৰাকীয়ে সংবাদ মাধ্যমৰ আগত মন্তব্য কৰে । আনহাতে নলবাৰী সদৰ বিধান পৰিষদত অসম গণ পৰিষদ দলে নিৰ্বাচন অংশ লোৱাটো এশ শতাংশই নিশ্চিত বুলি দিলীপ কুমাৰ দাসে ব্যক্ত কৰে ।
