দৈনন্দিন বাৰ্তা ডেস্ক:
লোক নায়ক জয় প্ৰকাশ হাস্পতালৰ জ্যেষ্ঠ চিকিৎসক ডাঃ অসীম গুপ্তা ক’ৰোনাত আক্ৰান্ত হৈ শনিবাৰে মৃত্যু হৈছে৷ ৫৬ বছৰীয়া গুপ্তা ক’ৰোনত আক্ৰান্ত হোৱাৰ কথা ৬ জুনত পোহৰলৈ আহিছিল৷ উল্লেখ্য যে এনাষ্ঠেছিয়াৰ আগশাৰীৰ বিশেষজ্ঞ ডাঃ গুপ্তা ক’ৰোনাৰ বিপক্ষে যুঁজত কৰ্তব্যত আছিল৷ ৬ জুনত তেওঁৰ পৰীক্ষাৰ ফলাফল পজিটিভ আহিল৷ তাৰ পাছত তেওঁক কোৱাৰেণ্টাইনত ৰখা হয়৷ কিন্তু ৭ জুনত তেওঁৰ অৱস্থা গুৰুতৰ হৈ পৰে৷ তেতিয়া তেওঁক লোক নায়ক জয় প্ৰকাশ হাস্পতালৰ আইচিইউত ভৰ্ত্তি কৰা হয়৷ মৃত্যুৰ সময়ত চিকিৎসকজনে পত্নী আৰু দুজন পুত্ৰক এৰি থৈ গৈছে৷ উল্লেখ্য যে তেওঁৰ পত্নীও ক’ভিড-১৯ত আক্ৰান্ত হৈছিল কিন্তু কিছুদিনৰ আগতে তেওঁ আৰোগ্য হয়৷